- Advertisement -
ਅੱਜ-ਨਾਮਾ
ਹਸਪਤਾਲ ਨਹੀਂ ਸੜਕ-ਸਕੂਲ ਦਿੱਸਦਾ,
ਅਰੂਸਾ ਆਲਮ ਹੀ ਮੁੱਦਾ ਹੈ ਬਣੀ ਭਾਈ।
ਹਰ ਕੋਈ ਓਸੇ ਦੇ ਮਾਰਦਾ ਫਿਰੇ ਮਿਹਣੇ,
ਉਸੇ ਕਾਰਨ ਹੀ ਆਪੋ ਵਿੱਚ ਤਣੀ ਭਾਈ।
ਕਹਿੰਦਾ ਕੋਈ ਕਮਾਲ ਆ ਬਹੁਤ ਬੀਬੀ,
ਕਹਿੰਦਾ ਕੋਈ ਹੈ ਨਾਗ ਦੀ ਮਣੀ ਭਾਈ।
ਉਸ ਦੀ ਖਬਰ ਉਡੀਕਦੇ ਬਹੁਤ ਪਾਠਕ,
ਲੱਗਦੀ ਖਬਰ ਬਰਸਾਤ ਦੀ ਕਣੀ ਭਾਈ।
ਹਫਤੇ ਵੀਹ ਨਹੀਂ ਚੋਣ ਦੇ ਵਿੱਚ ਰਹਿੰਦੇ,
ਰਗੜ ਗਈ ਮੁੱਦੇ ਪੰਜਾਬ ਦੇ ਕੁੱਲ ਨੱਢੀ।
ਜਿਨ੍ਹਾਂ ਭੇਜੀ ਸੀ, ਖਿੜੇ ਪਏ ਹੋਣਗੇ ਉਹ,
ਕੀਤੇ ਯਤਨਾਂ ਦਾ ਤਾਰ ਗਈ ਮੁੱਲ ਨੱਢੀ।
-ਤੀਸ ਮਾਰ ਖਾਂ
ਅਕਤੂਬਰ 24, 2021
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
- Advertisement -
