- Advertisement -
ਅੱਜ-ਨਾਮਾ
ਚੱਲੀ ਇਹ ਗੱਲ ਕਿ ਮੋਦੀ ਹੈ ਆਖਦਾ ਕੀ,
ਗਾਂਧੀ ਰਾਹੁਲ ਕੀ ਸਕਦਾ ਹੈ ਆਖ ਮੀਆਂ।
ਕਿਹੜਾ ਦਿੱਖ ਵਿਗਾੜੀ ਜਾਏ ਦੂਜਿਆਂ ਦੀ,
ਆਪਣੀ ਕੌਣ ਵਿਗਾੜੇ ਪਿਆ ਸਾਖ ਮੀਆਂ।
ਕੌਣ ਰਾਤ-ਦਿਨ ਬੀਜੇ ਪਿਆ ਕਿੱਕਰਾਂ ਹੀ,
ਕਹਿੰਦਾ ਲੋਕਾਂ ਨੂੰ ਦੇਊ ਫਿਰ ਦਾਖ ਮੀਆਂ।
ਕਿਸ ਤੋਂ ਲੋਕੀਂ ਉਡੀਕ ਰਹੇ ਫੁੱਲ ਕਿਰਦੇ,
ਜਦ ਵੀ ਬੋਲਦਾ, ਡਿੱਗੇ ਪਈ ਰਾਖ ਮੀਆਂ।
ਨਿਕਲਦਾ ਪਿਆ ਜਲੂਸ ਆ ਸੱਭਿਅਤਾ ਦਾ,
ਕਿਸੇ ਨੂੰ ਮਾਸਾ ਨਾ ਕੋਈ ਅਹਿਸਾਸ ਮੀਆਂ।
ਅਗਲੀ ਪੀੜ੍ਹੀ ਮੈਦਾਨ ਵਿੱਚ ਆਊ ਜਿਹੜੀ,
ਉਹਨੂੰ ਕਿਹੋ ਜਿਹਾ ਮਿਲੂ ਇਤਹਾਸ ਮੀਆਂ।
-ਤੀਸ ਮਾਰ ਖਾਂ
10 ਮਈ, 2024
- Advertisement -
