ਰਾਜਕੁਮਾਰ ਸ਼ਰਮਾ
ਲੁਧਿਆਣਾ, 2 ਮਾਰਚ, 2021 –
ਪੰਜਾਬੀ ਦੇ ਵਿੱਚ ਜਿਹੜੀ ਕਵਿਤਾ ਕੁਦਰਤ ਦੀ ਗੱਲ ਕਰਦੀ ਹੈ ਉਹ ਹਮੇਸ਼ਾ ਜਿਉਦੀ ਰਹਿੰਦੀ ਹੈ। ਜਸ ਪ੍ਰੀਤ ਦੀ ਪੁਸਤਕ ” ਪੌਣਾਂ ਦੀ ਸਰਗਮ ” ਕੁਦਰਤ ਦੇ ਨਾਲ ਇਕਮਿਕ ਹੁੰਦੀ ਹੈ। ਇਹ ਸ਼ਬਦ ਪੰਜਾਬੀ ਦੇ ਸ਼ਾਇਰ ਸੁਰਜੀਤ ਪਾਤਰ ਨੇ ਸ਼ਬਦ ਲੋਕ ਵਲੋਂ ਕਰਵਾਏ ਗਏ ਸਮਾਗਮ ਨੂੰ ਸੰਬੋਧਨ ਕਰਦਿਆਂ ਕਹੇ।
ਉਨ੍ਹਾਂ ਕਿਹਾ ਕਿ ਭਾਈ ਵੀਰ ਸਿੰਘ ਕੁਦਰਤ ਦੇ ਨਾਲ ਸਾਂਝ ਪਾਉਂਦੇ ਸਨ ਤੇ ਹੁਣ ਜਸ ਪ੍ਰੀਤ ਪਾ ਰਹੀ ਹੈ। ਕਿਤਾਬ ਨੂੰ ਹਾਜ਼ਰ ਕਵੀਆਂ ਨੇ ਲੋਕ ਅਰਪਣ ਕੀਤਾ । ਕਿਤਾਬ ਦੀ ਲੇਖਕ ਜਸ ਪ੍ਰੀਤ ਨੇ ਆਪਣੀ ਸਿਰਜਣ ਪ੍ਰਕਿਰਿਆ ਤੇ ਕਿਤਾਬ ਦੇ ਸੰਬੰਧੀ ਤੇ ਕੁੱਝ ਕਵਿਤਾਵਾਂ ਸਾਂਝੀਆਂ ਕੀਤੀਆਂ ।
ਇਹ ਕਿਤਾਬ ਪੰਜਾਬੀ ਤੇ ਅੰਗਰੇਜ਼ੀ ਦੇ ਰੰਗਦਾਰ ਤਸਵੀਰਾਂ ਦਾ ਸੁਮੇਲ ਹੈ। ਪੁਸਤਕ ਤੇ ਵੱਖ ਵੱਖ ਵਿਦਵਾਨ ਤੇ ਸ਼ਾਇਰਾਂ ਨੇ ਆਪਣੇ ਵਿਚਾਰ ਪ੍ਰਗਟ ਕੀਤੇ। ਜਲੰਧਰ ਤੋਂ ਪੁਜੇ ਸ਼ਾਇਰ ਡਾ.ਲਖਵਿੰਦਰ ਜੌਹਲ ਨੇ ਕਿਹਾ ਕਿ ਜਸ ਪ੍ਰੀਤ ਦੀ ਕਵਿਤਾ ਤੇ ਤਸਵੀਰਾਂ ਦਾ ਜਿਹੜੀ ਆਪਸੀ ਸਾਂਝ ਹੈ ਉਸ ਨੇ ਡਾਕਟਰ ਜਗਤਾਰ ਧੀਮਾਨ ਅੰਗਰੇਜ਼ੀ ਦੇ ਵਿੱਚ ਅਨੁਵਾਦ ਕੀਤਾ ਹੈ ਤੇ ਸਵਰਨਜੀਤ ਸਵੀ ਕਿਤਾਬ ਨੂੰ ਆਪਣੀ ਕਲਾਕਾਰੀ ਰਾਹੀ ਹੋਰ ਵੀ ਦੇਖਣ ਯੋਗ ਬਣਾਇਆ ਹੈ।
ਜਸਵੰਤ ਜਫਰ ਨੇ ਕਿਹਾ ਕਵਿਤਾ ਮਨ ਦੀਆਂ ਤੈਹਾੰ ਨੂੰ ਫਿਰੋਲਦੀ ਹੈ। ਅਮਰਜੀਤ ਗਰੇਵਾਲ ਨੇ ਕਿਹਾ ਕਿ ਇਹ ਕਵਿਤਾਵਾਂ ਆਪਣੀ ਵੱਖਰਤਾ ਨੂੰ ਪੇਸ਼ ਕਰਦਿਆਂ ਇਹ ਲੰਮੀ ਕਵਿਤਾ ਵੀ ਤੇ ਟੋਟਿਆਂ ਦੇ ਵਿੱਚ ਹੈ। ਕਵਿਤਾਵਾਂ ਦਾ ਰਿਦਮ ਕਮਾਲ ਹੈ। ਡਾਕਟਰ ਗੁਰਇਕਬਾਲ ਨੇ ਕਿਹਾ ਕਿ ਕਵਿਤਾਵਾਂ ਇਕ ਖਲਾਅ ਦੀਆਂ ਹਨ ਜਿਸ ਨੂੰ ਜਸ ਪ੍ਰੀਤ ਕਵਿਤਾਵਾਂ ਤੇ ਤਸਵੀਰਾਂ ਦੇ ਰਾਹੀ ਭਰਦੀ ਹੈ।
ਪਟਿਆਲਾ ਤੋਂ ਪੁਜੇ ਅਵਤਾਰ ਜੀਤ ਨੇ ਕਿਹਾ ਜਸ ਪ੍ਰੀਤ ਦੀ ਕਵਿਤਾ ਤੇ ਮੂਰਤਾਂ ਦੀ ਆਪਣੀ ਜੁਗਲਬੰਦੀ ਹੈ। ਕਿਤਾਬ ਦੇ ਪ੍ਰਕਾਸ਼ਕ ਤੇ ਡੀਜ਼ਾਈਨਰ ਸ਼ਾਇਰ ਸਵਰਨਜੀਤ ਸਵੀ ਨੇ ਕਿਹਾ ਕਿ ਉਸ ਨੇ ਕਿਤਾਬ ਨੂੰ ਡੀਜ਼ਾਈਨ ਕਰਦਿਆਂ ਕਵਿਤਾਵਾਂ ਦੀ ਰੂਪ ਤੇ ਰੂਹ ਨੂੰ ਬਰਕਰਾਰ ਰੱਖਿਆ ਹੈ। ਕਿਤਾਬ ਬੁਕ ਸੈਫਲ ਕੌਫੀਟੇਲ ਤੱਕ ਪੁਜੀ ਹੈ।
ਤ੍ਰੈਲੋਚਨ ਲੋਚੀ ਨੇ ਕਿਹਾ ਕਿ ਇਹ ਕਿਤਾਬ ਪੜ੍ਹਨ ਤੇ ਦੇਖਣ ਯਿਗ ਤਾਂ ਹੈ ਤੇ ਕਿਸੇ ਭੇਟ ਕਰਨ ਵਾਲੀ ਵੀ ਹੈ।ਗੁਰਤੇਜ ਕੋਹਾਰਵਾਲਾ ਨੇ ਇਹ ਕਿਤਾਬ ਦੇਖਣ ਪੜ੍ਹਨ ਯੋਗ ਹੈ ਹੀ ਤੇ ਦੇਖਣ ਵਾਲੀ ਵੀ ਹੈ। ਪਰਮਜੀਤ ਸੋਹਲ ਨੇ ਕਿਹਾ ਮਨੁੱਖ ਦੇ ਅੰਤਰ ਆਤਮ ਦੀ ਗੱਲ ਕਰਦੀ ਹੈ। ਡਾਕਟਰ ਜਗਤਾਰ ਧੀਮਾਨ ਨੇ ਬੋਲਦਿਆਂ ਕਿਹਾ ਕਿ ਉਹਨਾਂ ਕਿਤਾਬ ਦਾ ਅੰਗਰੇਜ਼ੀ ਅਨੁਵਾਦ ਕਰਦਿਆਂ ਪੰਜਾਬੀ ਕਵਿਤਾਵਾਂ ਦੀ ਰੂਹ ਨੂੰ ਬਰਕਰਾਰ ਰੱਖਿਆ ਹੈ।
ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਚੇਤਨਾ ਪ੍ਰਕਾਸ਼ਨ ਦੇ ਮਾਲਕ ਸਤੀਸ਼ ਗੁਲਾਟੀ , ਉਘੇ ਕਾਲਮ ਨਵੀਸ ਤੇ ਚਿੰਤਕ ਬੁੱਧ ਸਿੰਘ ਨੀਲੋੰ,ਧਡਾਕਟਰ ਸੁਰਜੀਤ ‘, ਗੁਰਚਰਨ ਕੌਰ ਕੋਚਰ. ਬਲਬੀਰ ਪੰਧੇਰ. ਭੁਪਿੰਦਰ ਪਾਤਰ , ਪ੍ਰਿੰਸੀਪਲ ਨਰਿੰਦਰ ਕੌਰ ਸੰਧੂ ,ਪ੍ਰਿੰ.ਨਰਿੰਦਰ ਕੌਰ ਸੰਧੂ .ਪ੍ਰੋ.ਸੁਖਵਿੰਦਰ ਕੌਰ .ਸਰੂ ਜੈਨ ਰਣਜੋਧ ਸਿੰਘ ਗੁਰਚਰਨ ਸਿੰਘ .ਮਿਸਿਜ ਜਗਤਾਰ ਸਿੰਘ ਧੀਮਾਨ ਤੇ ਹੋਰ ਹਾਜਰ ਸਨ। ਮੰਚ ਸੰਚਾਲਨ ਕਰਦਿਆਂ ਪ੍ਰਭਜੋਤ ਸੋਹੀ ਨੇ ਪ੍ਰਭਾਵਸ਼ਾਲੀ ਟਿੱਪਣੀਆਂ ਵੀ ਕੀਤੀਆਂ ।