ਹੁਸਨ ਲੜੋਆ ਬੰਗਾ
ਸੈਕਰਾਮੈਂਟੋ,ਕੈਲੀਫੋਰਨੀਆ, 15 ਮਾਰਚ, 2025
Wisconsin ਵਿਚ ਇਕ 4 ਸਾਲ ਦੇ ਬੱਚੇ ਨੇ Police ਨੂੰ ਫੋਨ ਕਰਕੇ ਕਿਹਾ ਕਿ ਉਸ ਦੀ ਮਾਂ ਚੰਗੀ ਨਹੀਂ ਹੈ, ਉਸ ਨੇ ਮੇਰੀ ਆਈਸ ਕਰੀਮ ਖਾ ਲਈ ਹੈ, ਉਸ ਨੂੰ ਜੇਲ ਵਿਚ ਬੰਦ ਕਰ ਦਿੱਤਾ ਜਾਵੇ। ਬੱਚੇ ਨੇ ਕਿਹਾ ਕਿ ਉਹ ਆਪਣੀ ਮਾਂ ਨੂੰ ਸਬਕ ਸਿਖਾਉਣਾ ਚਹੁੰਦਾ ਹੈ।
ਸਥਾਨਕ ਪੁਲਿਸ ਅਨੁਸਾਰ ਜਦੋਂ ਪੁਲਿਸ ਅਫਸਰ Wisconsin ਦੇ ਮਾਊਂਟੀ ਪਲੀਜੈਂਟ ਸਥਿੱਤ ਘਰ ਵਿਚ ਪੁੱਜੇ ਤਾਂ ਮਾਂ ਨੇ ਮੰਨਿਆ ਕਿ ਮੈ ਇਸ ਦੀ ਆਈਸ ਕਰੀਮ ਖਾ ਲਈ ਸੀ ਜਿਸ ਤੋਂ ਇਹ ਨਰਾਜ ਹੈ।
ਪੁਲਿਸ ਅਫਸਰਾਂ ਨੇ ਬੱਚੇ ਨੂੰ ਸਮਝਾਇਆ ਕਿ ਆਈਸ ਕਰੀਮ ਖਾਣਾ ਕੋਈ ਗੰਭੀਰ ਅਪਰਾਧ ਨਹੀਂ ਹੈ ਪਰੰਤੂ ਬੱਚਾ ਫਿਰ ਵੀ ਮਾਂ ਨੂੰ ਜੇਲ ਵਿਚ ਬੰਦ ਕਰਨ ‘ਤੇ ਜੋਰ ਦਿੰਦਾ ਰਿਹਾ। ਪੁਲਿਸ ਅਨੁਸਾਰ ਆਖਰਕਾਰ ਬੱਚੇ ਨੂੰ ਮਾਮਲਾ ਰਫਾ ਦਫਾ ਕਰਨ ਲਈ ਮਨਾ ਲਿਆ ਗਿਆ। ਬੱਚੇ ਨੇ ਕਿਹਾ ਕਿ ਉਹ ਮਾਂ ਨੂੰ ਸਲਾਖਾਂ ਪਿੱਛੇ ਬੰਦ ਨਹੀਂ ਕਰਨਾ ਚਹੁੰਦਾ ਤੇ ਉਹ ਚਹੁੰਦਾ ਹੈ ਕਿ ਉਸ ਨੂੰ ਆਈਸ ਕਰੀਮ ਦਿੱਤੀ ਜਾਵੇ। 2 ਦਿਨਾਂ ਬਾਅਦ ਪੁਲਿਸ ਅਫਸਰ ਨੰਨੇ ”ਵਿਸਲਬਲੋਅਰ” ਨੂੰ ਆਈਸ ਕਰੀਮ ਦੇ ਕੇ ਆਏ।
