ਯੈੱਸ ਪੰਜਾਬ
ਲੁਧਿਆਣਾ, 24 ਅਪ੍ਰੈਲ, 2024
ਪੀ.ਏ.ਯੂ. ਦੇ ਕਮਿਸਟਰੀ ਵਿਭਾਗ ਵਿਚ ਪੀ ਐੱਚ ਡੀ ਦੀ ਖੋਜ ਕਰਨ ਵਾਲੇ ਵਿਦਿਆਰਥੀਆਂ ਡਾ. ਹਿਨਾ ਅਤੇ ਕੁਮਾਰੀ ਵਿਸ਼ਾਲਦੀਪ ਕੌਰ ਨੇ ਬੀਤੇ ਦਿਨੀਂ ਕੌਮਾਂਤਰੀ ਕਾਨਫਰੰਸ ਵਿਚ ਇਨਾਮ ਹਾਸਲ ਕੀਤੇ੍ਟ ਇਹ ਚੌਥੀ ਕੌਮਾਂਤਰੀ ਕਾਨਫਰੰਸ ਚੌਧਰੀ ਚਰਨ ਸਿੰਘ ਹਰਿਆਣਾ ਖੇਤੀ ਯੂਨੀਵਰਸਿਟੀ ਹਿਸਾਰ,
ਆਈ ਸੀ ਆਰ ਆਈ ਆਈ ਐੱਸ ਏ ਟੀ ਹੈਦਰਾਬਾਦ, ਖੇਤੀ ਵਿਗਿਆਨਾਂ ਦੀ ਯੂਨੀਵਰਸਿਟੀ ਧਾਰਵਾੜ, ਐਗਰੀ ਮੀਟ ਫਾਊਂਡੇਸ਼ਨ ਯੂ ਪੀ, ਜੂਨਾਗੜ੍ਹ ਖੇਤੀ ਯੂਨੀਵਰਸਿਟੀ ਅਤੇ ਪੰਤ ਨਗਰ ਖੇਤੀ ਯੂਨੀਵਰਸਿਟੀ ਤੋਂ ਇਲਾਵਾ ਡਾਇਰੈਕਟੋਰੇਟ ਆਫ ਕੈਸ਼ੀਓ ਰਿਸਰਚ ਪੂਤੂਰ ਦੇ ਸਹਿਯੋਗ ਨਾਲ ਕਰਵਾਈ ਗਈ ਸੀ੍ਟ ਇਸ ਕਾਨਫਰੰਸ ਦਾ ਸਿਰਲੇਖ ‘ਆਤਮ ਨਿਰਭਰ ਭਾਰਤ ਲਈ ਖੇਤੀ ਦੇ ਨਵੀਨਤਮ ਵਿਕਾਸ’ ਰੱਖਿਆ ਗਿਆ ਸੀ੍ਟ
ਕੁਮਾਰੀ ਹਿਨਾ ਨੂੰ ਇਸ ਕਾਨਫਰੰਸ ਦੌਰਾਨ ਬੈਸਟ ਪੀ ਐੱਚ ਡੀ ਥੀਸਿਸ ਐਵਾਰਡ ਨਾਲ ਸਨਮਾਨਿਤ ਕੀਤਾ ਗਿਆ੍ਟ ਉਹਨਾਂ ਨੇ ਹੁਣੇ-ਹੁਣੇ ਕਿੰਨੂ ਦੇ ਡਿੱਗੇ ਹੋਏ ਫਲਾਂ ਦੇ ਗੁਣਾ ਦੀ ਜਾਚ ਸੰਬੰਧੀ ਖੋਜ ਨੂੰ ਅਧਾਰ ਬਣਾ ਕੇ ਆਪਣੀ ਪੀ ਐੱਚ ਡੀ ਮੁਕੰਮਲ ਕੀਤੀ ਹੈ੍ਟ ਉਹਨਾਂ ਦੇ ਨਿਗਰਾਨ ਡਾ. ਸੋਨੀਆ ਕੌਸ਼ਲ ਹਨ੍ਟ ਖੋਜ ਦੌਰਾਨ ਕੁਮਾਰੀ ਹਿਨਾ ਦੇ ਖੋਜ ਪੇਪਰ ਬਹੁਤ ਸਾਰੇ ਨਾਮੀ ਰਸਾਲਿਆਂ ਵਿਚ ਪ੍ਰਕਾਸ਼ਿਤ ਹੋਏ੍ਟ
ਕੁਮਾਰੀ ਵਿਸ਼ਾਲਦੀਪ ਕੌਰ ਨੇ ਨੌਜਵਾਨ ਖੇਤੀ ਖੋਜੀ ਪੁਰਸਕਾਰ ਜਿੱਤਿਆ੍ਟ ਉਹ ਆਪਣੀ ਪੀ ਐੱਚ ਡੀ ਦੀ ਖੋਜ ਡਾ. ਸੋਨੀਆ ਕੌਸ਼ਲ ਦੀ ਨਿਗਰਾਨੀ ਹੇਠ ਜਾਰੀ ਰੱਖ ਰਹੇ ਹਨ੍ਟ ਇਸੇ ਦੌਰਾਨ ਉਹਨਾਂ ਨੇ ਯੂ ਜੀ ਸੀ ਨੈੱਟ ਦਾ ਇਮਤਿਹਾਨ ਵੀ ਪਾਸ ਕਰ ਲਿਆ ਹੈ੍ਟ
ਪੀ.ਏ.ਯੂ. ਦੇ ਵਾਈਸ ਚਾਂਸਲਰ ਡਾ. ਸਤਿਬੀਰ ਸਿੰਘ ਗੋਸਲ, ਡੀਨ ਬੇਸਿਕ ਸਾਇੰਸਜ਼ ਕਾਲਜ ਡਾ. ਸ਼ੰਮੀ ਕਪੂਰ ਅਤੇ ਕਮਿਸਟਰੀ ਵਿਭਾਗ ਦੇ ਮੁਖੀ ਡਾ. ਮਨਜੀਤ ਕੌਰ ਸਾਂਘਾ ਨੇ ਦੋਵਾਂ ਵਿਦਿਆਰਥੀਆਂ ਅਤੇ ਡਾ. ਸੋਨੀਆ ਕੌਸ਼ਲ ਨੂੰ ਇਸ ਪ੍ਰਾਪਤੀ ਲਈ ਵਧਾਈ ਦਿੱਤੀ੍ਟ
