- Advertisement -
ਚੋਣ ਵੱਡੀ ਇੱਕ ਭਾਰਤ ਵਿੱਚ ਹੋਣ ਵਾਲੀ,
ਲੱਗਦਾ ਦ੍ਰਿਸ਼ ਪੰਜਾਬ ਵਿੱਚ ਅਜੀਬ ਬੇਲੀ।
ਭੰਬਲਭੂਸਾ ਬਈ ਪਿਆ ਹਰ ਸੀਟ ਉੱਪਰ,
ਆਉਂਦੀ ਸਮਝ ਨਾ ਕੋਈ ਤਰਤੀਬ ਬੇਲੀ।
ਮਿੱਤਰ ਚਿਰਾਂ ਦੇ ਆਪੋ ਵਿੱਚ ਲੜਨ ਪਿੱਛੋਂ,
ਬਣੇ ਆ ਸਿਆਸਤ ਦੇ ਵੱਡੇ ਰਕੀਬ ਬੇਲੀ।
ਦੁਸ਼ਮਣੀ ਚਿਰਾਂ ਦੀ ਛੱਡੀ ਕੁਝ ਹੋਰਨਾਂ ਨੇ,
ਆ ਗਏ ਅਚਾਨਕ ਹੀ ਬੜੇ ਕਰੀਬ ਬੇਲੀ।
ਬਦਲਦਾ ਰਹਿੰਦਾ ਦ੍ਰਿਸ਼ ਇਹ ਰੋਜ਼ ਜਿੱਦਾਂ,
ਪਤਾ ਨਹੀਂ ਚੋਣਾਂ ਦੇ ਤੀਕ ਕੀ ਹੋਊ ਬੇਲੀ।
ਠਿੱਬੀ ਪਤਾ ਨਹੀਂ ਕਿਸੇ ਨੂੰ ਲਾਊ ਕਿਹੜਾ,
ਤੇ ਕਿਹੜਾ ਪਕੜ ਮੱਥਾ ਬੈਠਾ ਰੋਊ ਬੇਲੀ।
-ਤੀਸ ਮਾਰ ਖਾਂ
4 ਮਈ, 2024
- Advertisement -
