ਯੈੱਸ ਪੰਜਾਬ
ਪਟਿਆਲਾ, 22 ਅਕਤੂਬਰ, 2020:
ਪਟਿਆਲਾ ਵਿੱਚ ਅੱਜ ਦਿਨ ਦਿਹਾੜੇ ਵਾਪਰੇ ਇਕ ਘਟਨਾ¬ਕ੍ਰਮ ਵਿੱਚ ਇਕ ਆਟੋ ਚਾਲਕ ਵੱਲੋਂ ਆਪਣੇ ਹੀ ਆਟੋ ਵਿੱਚ ਸਵਾਰ ਕੁੜੀ ਨੂੂੰ ਅਗਵਾ ਕਰਕੇ ਮੁੱਖ ਮਾਰਗ ਤੋਂ ਲਿੰਕ ਰੋਡ ’ਤੇ ਲਿਜਾਣ, ਕੁੜੀ ਨਾਲ ਜ਼ਬਰਦਸਤੀ ਦੀ ਕੋਸ਼ਿਸ਼ ਕਰਨ ਅਤੇ ਨਾਕਾਮ ਰਹਿਣ ’ਤੇ ਉਸਨੂੰ ਪੇਚਕਸ ਮਾਰ ਕੇ ਜ਼ਖ਼ਮੀ ਕਰ ਦੇਣ ਦਾ ਮਾਮਲਾ ਸਾਹਮਣੇ ਆਇਆ ਹੈ।
ਕੁੜੀ ਬਹਾਦਰਗੜ੍ਹ ਵਿੱਚ ਟਿਊਸ਼ਨ ਪੜ੍ਹਣ ਮਗਰੋਂ ਅੱਜ ਸਵੇਰੇ ਲਗਪਗ 9.30 ਵਜੇ ਪਟਿਆਲਾ-ਚੰਡੀਗੜ੍ਹ ਮੁੱਖ ਮਾਰਗ ’ਤੇ ਇਕ ਆਟੋ ਰਾਹੀਂ ਆਪਣੇ ਘਰ ਵੱਲ ਨੂੰ ਜਾ ਰਹੀ ਸੀ ਜਦ ਆਟੋ ਚਾਲਕ ਬਦਨੀਅਤ ਹੋ ਗਿਆ ਅਤੇ ਉਸਨੇ ਆਟੋ ਇਕ ਲਿੰਕ ਰੋਡ ’ਤੇ ਪਾ ਲਿਆ ਅਤੇ ਅੱਗੇ ਜਾ ਕੇ ਰੋਕਣ ਉਪਰੰਤ ਕੁੜੀ ਨਾਲ ਆਟੋ ਵਿੱਚ ਹੀ ਜ਼ਬਰਦਸਤੀ ਸ਼ੁਰੂ ਕਰ ਦਿੱਤੀ।
ਲੜਕੀ ਵੱਲੋਂ ਵਿਰੋਧ ਕਰਨ ’ਤੇ ਆਟੋ ਚਾਲਕ ਨੇ ਉਸ ਉੱਤੇ ਪੇਚਕਸ ਨਾਲ ਹਮਲਾ ਕਰ ਦਿੱਤਾ। ਇਹ ਵੀ ਖ਼ਬਰ ਹੈ ਕਿ ਉਸਨੇੇ ਆਪਣੇ ਪਰਨੇ ਨਾਲ ਕੁੜੀ ਦਾ ਗਲਾ ਘੁੱਟਣ ਦੀ ਕੋਸ਼ਿਸ਼ ਕੀਤੀ।
ਇਸ ਮੌਕੇ ਇਕ ਬਾਈਕ ’ਤੇ ਲੰਘਦੇ ਦੋ ਵਿਅਕਤੀਆਂ ਨੇ ਵੇਖ਼ਿਆ ਕਿ ਆਟੋ ਵਿੱਚ ਕੋਈ ਗੜਬੜ ਹੋ ਰਹੀ ਹੈ ਤਾਂ ਉਹ ਮਦਦ ਲਈ ਮੁੜੇ ਜਿਸ ’ਤੇ ਆਟੋ ਚਾਲਕ ਮੌਕੇ ’ਤੋਂ ਫ਼ਰਾਰ ਹੋ ਗਿਆ ਜਦਕਿ ਕੁੜੀ ਨੂੰ ਜ਼ਖ਼ਮੀ ਹਾਲਤ ਵਿੱਚ ਪਟਿਆਲਾ ਹਸਪਤਾਲ ਵਿਖ਼ੇ ਲਿਆਂਦਾ ਗਿਆ। ਹਾਲਾਂਕਿ ਕੁੜੀ ਜ਼ਖ਼ਮੀ ਹੋਈ ਹੈ ਪਰ ਉਸਦੀ ਹਾਲਤ ਸਥਿਰ ਦੱਸੀ ਜਾ ਰਹੀ ਹੈ।
ਪੁਲਿਸ ਇਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ। ਪੁਲਿਸ ਨੇ ਮੌਕੇ ’ਤੋਂ ਆਟੋ ਨੂੰ ਕਬਜ਼ੇ ਵਿੱਚ ਲੈ ਲਿਆ ਹੈ ਜਦਕਿ ਆਟੋ ਚਾਲਕ ਦੀ ਭਾਲ ਜਾਰੀ ਹੈ।
ਇਸ ਨੂੰ ਵੀ ਪੜ੍ਹੋ:
ਪਟਿਆਲਾ ਪੁਲਿਸ ਨੇ ਲੜਕੀ ਨਾਲ ਜ਼ਬਰਦਸਤੀ ਕਰਨ ਦੀ ਕੋਸ਼ਿਸ਼ ਕਰਨ ਵਾਲਾ 24 ਘੰਟੇ ‘ਚ ਕੀਤਾ ਗ੍ਰਿਫ਼ਤਾਰ
ਸਾਡਾ ਫ਼ੇਸਬੁੱਕ ਪੇਜ ਲਾਈਕ ਕਰਨ ਲਈ ਕਲਿੱਕ ਕਰੋ
