- Advertisement -
ਅੱਜ-ਨਾਮਾ
ਨਕਸ਼ਾ ਬਦਲ ਪੰਜਾਬ ਦਾ ਗਿਆ ਲੱਗਦਾ,
ਕੱਲ੍ਹ ਦੀ ਬਾਤ ਨਹੀਂ ਰਹੀ ਹੈ ਅੱਜ ਬੇਲੀ।
ਕੁਰਸੀ ਜਿਹੜੀ ਕਪਤਾਨ ਨੇ ਕਰੀ ਖਾਲੀ,
ਓਥੇ ਨਵਾਂ ਕੋਈ ਗਿਆ ਫਿਰ ਸੱਜ ਬੇਲੀ।
ਮੂਹਰੇ ਓਸ ਦੇ ਹੋਣਾ ਇਹ ਕੰਮ ਪਹਿਲਾ,
ਦਾਗ ਸਰਕਾਰ ਦੇ ਸਕੇ ਉਹ ਕੱਜ ਬੇਲੀ।
ਜਿਹੜੇ ਅਜੇ ਤੱਕ ਰੱਜਣ ਸਨ ਰਹੇ ਲੱਗੇ,
ਕਹੇ ਉਸ ਧਾੜ ਨੂੰ ਕਰੋ ਕੁਝ ਲੱਜ ਬੇਲੀ।
ਜੇ ਉਹ ਗੱਦੀ ਬਚਾਉਣ ਨੂੰ ਰਿਹਾ ਲੱਗਾ,
ਦਿੱਤਾ ਟੀਮ ਨੇ ਕੰਮ ਨਹੀਂ ਕਰਨ ਬੇਲੀ।
ਵੋਟਾਂ ਲੈਣ ਜਦ ਲੋਕਾਂ ਵਿੱਚ ਪਊ ਜਾਣਾ,
ਲੱਗੇ ਲੋਕੀਂ ਕੋਤਾਹੀ ਨਹੀਂ ਜਰਨ ਬੇਲੀ।
-ਤੀਸ ਮਾਰ ਖਾਂ
ਸਤੰਬਰ 20, 2021
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
- Advertisement -