- Advertisement -
ਅੱਜ-ਨਾਮਾ
ਔਕੜ ਵਿੱਚ ਹੈ ਭਾਰਤ ਦਾ ਅੰਨ-ਦਾਤਾ,
ਲਾਰੇ ਲੱਗਣ, ਪਰ ਮਿਲੇ ਨਾ ਕੱਖ ਬੇਲੀ।
ਸਾਰੇ ਈ ਆਖਦੇ, ਅਸੀਂ ਹਾਂ ਨਾਲ ਤੇਰੇ,
ਡਰ ਨਹੀਂ ਦੂਲਿਆ, ਹੌਸਲਾ ਰੱਖ ਬੇਲੀ।
ਅਭੀ-ਨਭੀ ਵਿੱਚ ਛੱਡਾਂਗੇ ਸਾਥ ਨਾਹੀਂ,
ਝੱਖੜ ਝੁੱਲਦੇ ਰਹਿਣ ਜਦ ਲੱਖ ਬੇਲੀ।
ਗੱਲਾਂ ਕਰਦੇ ਆਕਾਸ਼ ਨੂੰ ਲਾਉਣ ਟਾਕੀ,
ਅੰਦਰੋਂ ਨੀਤ ਸਭ ਦੀ ਵੱਖੋ-ਵੱਖ ਬੇਲੀ।
ਰਾਜਸੀ ਲੀਡਰ ਨਾ ਕਿਸੇ ਦੇ ਮਿੱਤ ਹੁੰਦੇ,
ਮਤਲਬ ਬਿਨਾਂ ਨਹੀਂ ਮਾਰਦੇ ਝੱਖ ਬੇਲੀ।
ਸਾਲ ਸਵਾ ਨੂੰ ਆਉਂਦੀ ਹੈ ਚੋਣ ਸਾਹਵੇਂ,
ਸਭ ਦੀ ਓਸੇ ਦੇ ਉੱਪਰ ਹੈ ਅੱਖ ਬੇਲੀ।
-ਤੀਸ ਮਾਰ ਖਾਂ
ਨਵੰਬਰ 30, 2020
- Advertisement -
