Middle East ਵਿੱਚ ਭੂ-ਰਣਨੀਤਕ ਸਥਿਤੀ ਦੇ ਉੱਭਰ ਰਹੇ ਰੂਪਾਂ ਬਾਰੇ ਸੈਮੀਨਾਰ Chandigarh ਵਿੱਚ ਅਯੋਜਿਤ

ਯੈੱਸ ਪੰਜਾਬ
ਚੰਡੀਗੜ੍ਹ, 1 ਫਰਵਰੀ, 2025

‘ਮੱਧ ਪੂਰਬ ਵਿੱਚ ਭੂ-ਰਣਨੀਤਕ ਪ੍ਰਵਾਹਾਂ ਦੇ ਉੱਭਰਦੇ ਰੂਪ’ ਵਿਸ਼ੇ ‘ਤੇ ਸਥਾਨਕ ਪੋਸਟ ਗ੍ਰੈਜੂਏਟ ਸਰਕਾਰੀ ਕਾਲਜ ਫਾਰ ਗਰਲਜ਼, ਸੈਕਟਰ 42, Chandigarh ਨੇ ਗਿਆਨ ਸੇਤੂ ਥਿੰਕ ਟੈਂਕ ਦੇ ਸਹਿਯੋਗ ਨਾਲ ਇੱਕ ਸੈਮੀਨਾਰ ਦਾ ਆਯੋਜਨ ਕੀਤਾ ਗਿਆ।

ਇਸ ਮੌਕੇ Chandigarh ਤੋਂ ਸੰਸਦ ਮੈਂਬਰ Manish Tiwari ਮੁੱਖ ਮਹਿਮਾਨ ਸਨ। ਇਸ ਦੌਰਾਨ ਕਾਲਜ ਪ੍ਰਿੰਸੀਪਲ ਪ੍ਰੋ. (ਡਾ.) ਬੀਨੂ ਡੋਗਰਾ ਨੇ ਮੁੱਖ ਮਹਿਮਾਨ ਅਤੇ ਸੈਮੀਨਾਰ ਦੇ ਕਨਵੀਨਰ, ਲੈਫਟੀਨੈਂਟ ਜਨਰਲ (ਸੇਵਾਮੁਕਤ) ਕੇ.ਜੇ. ਸਿੰਘ ਦਾ ਸਵਾਗਤ ਕੀਤਾ, ਜੋ ਗਿਆਨ ਸੇਤੂ ਥਿੰਕ ਟੈਂਕ ਦੇ ਚੇਅਰਮੈਨ ਵੀ ਹਨ। ਲੈਫਟੀਨੈਂਟ ਜਨਰਲ ਕੇ.ਜੇ. ਸਿੰਘ ਨੇ ਸੈਮੀਨਾਰ ਦਾ ਵਿਸ਼ਾ ਪੇਸ਼ ਕੀਤਾ ਅਤੇ ਮੁੱਖ ਮਹਿਮਾਨ ਦਾ ਧੰਨਵਾਦ ਕੀਤਾ, ਜੋ ਆਪਣੇ ਰੁਝੇਵਿਆਂ ਦੇ ਬਾਵਜੂਦ ਪ੍ਰੋਗਰਾਮ ਵਿੱਚ ਸ਼ਾਮਲ ਹੋਏ।

ਉਨ੍ਹਾਂ ਨੇ ਸੈਮੀਨਾਰ ਲਈ ਇੰਨੇ ਸ਼ਾਨਦਾਰ ਪ੍ਰਬੰਧ ਕਰਨ ਲਈ ਪ੍ਰਿੰਸੀਪਲ ਦਾ ਧੰਨਵਾਦ ਕੀਤਾ ਅਤੇ ਦਰਸ਼ਕਾਂ ਨੂੰ ਕਾਲਜ ਤੇ ਗਿਆਨ ਸੇਤੂ ਥਿੰਕ ਟੈਂਕ ਵਿਚਕਾਰ ਇੱਕ ਸਮਝੌਤੇ ‘ਤੇ ਦਸਤਖਤ ਕਰਨ ਬਾਰੇ ਦੱਸਿਆ ਗਿਆ। ਜਿਸਦੇ ਤਹਿਤ ਵਿਸ਼ਵ ਰਾਜਨੀਤੀ ਦੇ ਵੱਖ-ਵੱਖ ਮੁੱਦਿਆਂ ‘ਤੇ ਵੱਖ-ਵੱਖ ਪੱਧਰਾਂ ‘ਤੇ ਹੋਰ ਚਰਚਾ ਕੀਤੀ ਜਾਵੇਗੀ।

ਇਸ ਦੌਰਾਨ ਕਈ ਪ੍ਰਮੁੱਖ ਅਧਿਕਾਰੀਆਂ ਅਤੇ ਸਾਬਕਾ ਫੌਜੀ ਅਧਿਕਾਰੀਆਂ ਨੇ ਆਪਣੀ ਮੌਜੂਦਗੀ ਨਾਲ ਸਟੇਜ ਦੀ ਸ਼ੋਭਾ ਵਧਾਈ। ਇਹ ਪ੍ਰੋਗਰਾਮ ਵਿਦਿਆਰਥੀਆਂ, ਫੈਕਲਟੀ ਅਤੇ ਸਟਾਫ਼ ਦੀ ਵੱਡੀ ਹਾਜ਼ਰੀ ਨਾਲ ਸਫਲ ਰਿਹਾ।

ਜਿੱਥੇ ਉੱਘੇ ਬੁਲਾਰਿਆਂ ਦੇ ਇੱਕ ਪੈਨਲ ਨੇ ਮੱਧ ਪੂਰਬ ਸੰਕਟ ਦੇ ਵੱਖ-ਵੱਖ ਪਹਿਲੂਆਂ ਅਤੇ ਵਿਸ਼ਵ ਰਾਜਨੀਤੀ ਲਈ ਇਸਦੇ ਭੂ-ਰਾਜਨੀਤਿਕ ਮਹੱਤਵ ‘ਤੇ ਚਰਚਾ ਕੀਤੀ।

ਕੁਝ ਲੋਕਾਂ ਦੁਆਰਾ ਵਿਚਾਰਸ਼ੀਲ ਸਵਾਲ ਪੁੱਛੇ ਗਏ, ਜਿਨ੍ਹਾਂ ਨੇ ਇਜ਼ਰਾਈਲ-ਹਮਾਸ ਟਕਰਾਅ ਤੇ ਮੱਧ ਪੂਰਬ ਦੀ ਰਾਜਨੀਤੀ ਅਤੇ ਆਮ ਤੌਰ ‘ਤੇ ਸਮੱਸਿਆਵਾਂ ਦੇ ਵੱਖ-ਵੱਖ ਪਹਿਲੂਆਂ ‘ਤੇ ਡੂੰਘਾਈ ਨਾਲ ਚਰਚਾ ਕਰਨ ਵਿੱਚ ਮੁੱਖ ਭੂਮਿਕਾ ਨਿਭਾਈ। ਇਹ ਸਵਾਲ ਪ੍ਰੇਰਨਾਦਾਇਕ ਅਤੇ ਵੱਖ-ਵੱਖ ਵਿਸ਼ਿਆਂ ਤੋਂ ਪ੍ਰੇਰਿਤ ਸਨ, ਜੋ ਕਿ ਵਿਸ਼ਵਵਿਆਪੀ ਮੁੱਦਿਆਂ ਦੀ ਸਮਝ ਨੂੰ ਉਤਸ਼ਾਹਿਤ ਕਰਨ ਲਈ ਸਾਡੇ ਸਮੂਹਿਕ ਸਮਰਪਣ ਨੂੰ ਦਰਸਾਉਂਦੇ ਹਨ।

ਅੰਤ ਵਿੱਚ ਸਮਾਪਤੀ ਟਿੱਪਣੀਆਂ ਦੌਰਾਨ ਪੈਨਲਿਸਟਾਂ ਨੇ ਖੇਤਰ ਦੇ ਅਸ਼ਾਂਤ ਅਤੀਤ ਅਤੇ ਵਰਤਮਾਨ ਬਾਰੇ ਇਜ਼ਰਾਈਲੀ, ਫਲਸਤੀਨੀ ਅਤੇ ਅਰਬ ਦ੍ਰਿਸ਼ਟੀਕੋਣਾਂ ਬਾਰੇ ਕਈ ਸੁਝਾਅ ਪੇਸ਼ ਕੀਤੇ। ਸੈਮੀਨਾਰ ਦਾ ਸਮਾਪਨ ਕਰਨਲ ਪਰਮਿੰਦਰ ਸਿੰਘ ਰੰਧਾਵਾ ਦੁਆਰਾ ਲਿਖੀ ਗਈ “ਇਮਰਜਿੰਗ ਕਾਂਟੂਰਸ ਆਫ ਜੀਓ-ਸਟਰੈਟਜਿਕ ਫਲਕਸ ਨਿਰ ਈਸਟ ਟੂ ਮਿਡਲ ਈਸਟ” ਬਾਰੇ ਕਿਤਾਬ ਦੇ ਰਿਲੀਜ਼ ਨਾਲ ਹੋਇਆ।