ਬ੍ਰਿਟੇਨ ਵਿੱਚ ਬ੍ਰੈਗਜ਼ਿਟ ਨਹੀਂ ਸਿਰੇ ਲੱਗਾ, ਥਰੇਸਾ ਮੇਅ ਲਈ ਔਖ ਕੁਝ ਬਣੀ ਮੀਆਂ
ਲੱਗਾ ਪਤਾ ਕਿ ਕੀਹਦੇ ਵਿੱਚ ਜ਼ੋਰ ਕਿੰਨਾ, ਪਿੱਛੇ ਕੀਹਦੇ ਹਨ ਕਿੰਨੇ ਕੁ ਲੋਕ ਮਿੱਤਰ
ਕਰਨੀ ਚੋਣ ਸੀ, ਕੀਤੀ ਤਾਂ ਖਤਮ ਮੇਲਾ, ਕਾਹਤੋਂ ਲੋਕ ਫਿਰ ਲੜੀ-ਲੜਾਈ ਜਾਂਦੇ
ਐਗਜ਼ਿਟ ਪੋਲ ਜਾਂ ਆਏ ਤਾਂ ਬਹਿਸ ਚੱਲੀ, ਭਾਜਪਾ ਫੇਰ ਹੈ ਸੱਤਾ ਵਿੱਚ ਆਉਣ ਲੱਗੀ
ਕਰਨੀ ਭਾਰਤ ਦੀ ਜਦੋਂ ਪਈ ਚੋਣ ਵੱਡੀ, ਗਿਆ ਹੈ ਚੋਣ ਕਮਿਸ਼ਨ ਹੀ ਪਾਟ ਬੇਲੀ
ਚਰਚਾ ਚੋਣਾਂ ਦੀ ਧੱਕੀ ਪਈ ਕਿਸੇ ਪਾਸੇ, ਪਈ ਆ ਗੌਡਸੇ ਦੀ ਚਰਚਾ ਚੱਲ ਭਾਈ
ਆ ਗਿਆ ਆਖਰੀ ਗੇੜ ਜਦ ਚੋਣ ਵਾਲਾ, ਫੜੀ ਹੈ ਸਾਰਿਆਂ ਨੇ ਦੁੜਕੀ ਚਾਲ ਬੇਲੀ
ਚੱਲੀ ਚਰਚਾ ਬੇਅਦਬੀ ਦੀ ਨਵੇਂ ਸਿਰਿਓਂ, ਸੁਣਦੇ ਦੋਸ਼ੀਆਂ ਦੇ ਕਈ ਆ ਨਾਮ ਭਾਈ
ਕਿਧਰੇ ਮਿਲੇ ਬਈ ਕੱਲ੍ਹ ਦੋ ਘਾਗ ਲੀਡਰ, ਦਲਬਦਲੀਆਂ ਦੀ ਛੋਹ ਲਈ ਗੱਲ ਬੇਲੀ
ਘਿਰ ਗਈ ਸਾਧਵੀ ਤਾਜ਼ਾ ਬਿਆਨ ਦੇ ਕੇ, ਠੀਕ ਕਰਨ ਲਈ ਕੈਂਸਰ ਦਾ ਰੋਗ ਭਾਈ
ਅਮਰੀਕਾ ਵਿੱਚ ਜਾਂ ਚੀਨ ਦੀ ਟੀਮ ਪੁੱਜੀ, ਏਜੰਡਾ ਸਿਰਫ ਤੇ ਸਿਰਫ ਵਪਾਰ ਮੀਆਂ
ਬਣ ਕੇ ਸਾਊ ਕੁਝ ਪਾਕਿ ਸਰਕਾਰ ਕਹਿੰਦੀ, ਐਕਸ਼ਨ ਅਜ਼ਹਰ ਦੇ ਉੱਤੇ ਤਾਂ ਕਰਾਂਗੇ ਜੀ
ਖਿਡੌਣਾ ਬਣ ਗਿਆ ਚੋਣ ਕਾਨੂੰਨ ਲੱਗਦਾ, ਸਮਝ ਕੇ ਲੋੜ ਨੂੰ ਵਰਤਿਆ ਜਾਏ ਬੇਲੀ