ਅੱਜ-ਨਾਮਾ
ਖਿਡੌਣਾ ਬਣ ਗਿਆ ਚੋਣ ਕਾਨੂੰਨ ਲੱਗਦਾ,
ਸਮਝ ਕੇ ਲੋੜ ਨੂੰ ਵਰਤਿਆ ਜਾਏ ਬੇਲੀ।
ਅਰਥ ਕਿਸੇ ਥਾਂ ਨਿਕਲਦਾ ਕੋਈ ਇਹਦਾ,
ਮਤਲਬ ਨਵਾਂ ਕੋਈ ਖੋਜ ਲੈ ਆਏ ਬੇਲੀ।
ਸ਼ਿਕਾਇਤ ਗਈ ਜੇ ਚੋਣ ਕਮਿਸ਼ਨ ਵੰਨੀਂ,
ਆਪਣੀ ਮਰਜ਼ੀ ਦੇ ਨਾਲ ਨਿਪਟਾਏ ਬੇਲੀ।
ਕਲੀਨ ਚਿੱਟ ਤਾਂ ਮਿਲਦੀ ਆ ਹਾਕਮਾਂ ਨੂੰ,
ਹੋਰ ਕੋਈ ਹੁੰਦਾ ਤਾਂ ਧਮਕੜੇ ਪਾਏ ਬੇਲੀ।
ਫਿਰ ਵੀ ਕਿੰਨੀ ਕਮਾਲ ਦਾ ਹੋਏ ਦਾਅਵਾ,
ਹੋਇਆ ਕਿਤੇ ਹੈ ਨਹੀਂ ਪੱਖ-ਪਾਤ ਬੇਲੀ।
ਪਾਲਣ ਕਰਨਾ ਕਾਨੂੰਨ ਦਾ ਕਹਿਣ ਮਗਰੋਂ,
ਹੋਇਆ ਨਿਯਮ-ਕਾਨੂੰਨ ਦਾ ਘਾਤ ਬੇਲੀ।
-ਤੀਸ ਮਾਰ ਖਾਂ
ਮਈ 4, 2019