- Advertisement -
ਅੱਜ-ਨਾਮਾ
ਦਿੱਲੀ ਉੱਖੜ ਗਏ ਪੈਰ ਹਨ ਭਾਜਪਾ ਦੇ,
ਸ਼ਰਮਨਾਕ ਜਿਹੀ ਹੋਈ ਆ ਹਾਰ ਮੀਆਂ।
ਪੈ ਗਈ ਪੁੱਠੀ ਹੈ ਕਿਸ ਤਰ੍ਹਾਂ ਰਾਜਨੀਤੀ,
ਵੱਡੇ ਲੀਡਰ ਪਏ ਕਰਨ ਵਿਚਾਰ ਮੀਆਂ।
ਹਾਰਨ-ਜਿੱਤਣ ਤੇ ਖਾਸ ਨਾ ਗੱਲ ਸੀਗੀ,
ਏਨੀ ਭਾਰੀ ਕਿਉਂ ਪਈ ਹੈ ਮਾਰ ਮੀਆਂ।
ਸਿਰ`ਤੇ ਆਈ ਬਿਹਾਰ ਦੀ ਚੋਣ ਓਧਰ,
ਰੱਖਿਆ ਉਹਨੇ ਵੀ ਚਾੜ੍ਹ ਬੁਖਾਰ ਮੀਆਂ।
ਦਿੱਲੀ ਵਿੱਚ ਨਿਤੀਸ਼ ਸੀ ਨਾਲ ਆਇਆ,
ਤਦ ਵੀ ਅਸਾਂ ਦੀ ਲੱਗੀ ਹੈ ਪਿੱਠ ਮੀਆਂ।
ਛਪੰਜਾ ਇੰਚ ਨੂੰ ਗਿਆ ਈ ਦਰੜ ਬੰਦਾ,
ਜੀਹਦਾ ਸੀਨਾ ਸੀ ਮਸਾਂ ਦੋ ਗਿੱਠ ਮੀਆਂ।
-ਤੀਸ ਮਾਰ ਖਾਂ
17 ਫਰਵਰੀ, 2020
- Advertisement -
