ਯੈੱਸ ਪੰਜਾਬ
ਮੁੰਬਈ, 7 ਅਕਤੂਬਰ, 2020:
ਸੁਸ਼ਾਂਤ ਰਾਜਪੂਤ ਕੇਸ ਕਾਰਨ ਵਿਵਾਦਾਂ ਵਿੱਚ ਆਈ ਉਸਦੀ ਦੋਸਤ ਅਭਿਨੇਤਰੀ ਰੀਆ ਚੱਕਰਵਰਤੀ ਨੂੰ ਮੁੰਬਈ ਹਾਈਕੋਰਟ ਨੇੇ 28 ਦਿਨਾਂ ਬਾਅਦ ਜ਼ਮਾਨਤ ’ਤੇ ਰਿਹਾ ਕਰਨ ਦੇ ਹੁਕਮ ਦਿੱਤੇ ਹਨ।
ਰੀਆ ਨੂੰ ਸ਼ਰਤਾਂ ਸਹਿਤ ਇਕ ਲੱਖ ਰੁਪਏ ਦੀ ਜ਼ਮਾਨਤ ’ਤੇ ਰਿਹਾ ਕੀਤਾ ਜਾਵੇਗਾ।
ਜ਼ਮਾਨਤ ਮਨਜ਼ੂਰ ਕਰਨ ਸੰਬੰਧੀ ਫ਼ੈਸਲਾ ਜਸਟਿਸ ਐਸ.ਵੀ.ਕੋਤਵਾਲ ਨੇ ਅੱਜ ਸੁਣਾਇਆ ਜਿਨ੍ਹਾਂ ਨੇ ਰੀਆ ਦੀ ਜ਼ਮਾਨਤ ਅਰਜ਼ੀ ’ਤੇ ਸੁਣਵਾਈ ਪਿਛਲੇ ਹਫ਼ਤੇ ਮੁਕੰਮਲ ਕਰਨ ਉਪਰੰਤ ਇਸ ਬਾਰੇ ਫ਼ੈਸਲਾ ਰਾਖ਼ਵਾਂ ਰੱਖ ਲਿਆ ਸੀ।
ਯਾਦ ਰਹੇ ਕਿ ਰੀਆ ਨੂੰ 9 ਸਤੰਬਰ ਨੂੂੰ ਨਾਰਕੋਟਿਕਸ ਕੰਟਰੋਲ ਬਿਓਰੋ ਵੱਲੋਂ ਡਰੱਗਜ਼ ਨਾਲ ਸੰਬੰਧਤ ਮਾਮਲੇ ਵਿੱਚ ਗ੍ਰਿਫ਼ਤਾਰ ਕੀਤਾ ਗਿਆ ਸੀ।
ਰੀਆ ਨੇ ਹੁਣ ਤਕ 28 ਦਿਨ ਜੇਲ੍ਹ ਵਿੱਚ ਬਿਤਾ ਲਏ ਹਨ। ਹਾਲਾਂਕਿ ਐਨ.ਡੀ.ਪੀ.ਐਸ. ਅਦਾਲਤ ਵੱਲੋਂ ਉਸ ਦਾ ਜੁਡੀਸ਼ੀਅਲ ਕਸਟਡੀ 20 ਅਕਤੂਬਰ ਤਕ ਵਧਾ ਦਿੱਤੀ ਗਈ ਸੀ ਪਰ ਅੱਜ ਉਸਨੂੰ ਹਾਈ ਕੋਰਟ ਤੋਂ ਜ਼ਮਾਨਤ ਮਿਲ ਜਾਣ ਉਪਰੰਤ ਉਸ ਦੀ ਰਿਹਾਈ ਦਾ ਰਾਹ ਪੱਧਰਾ ਹੋ ਗਿਆ ਹੈ।
ਇਸ ਨੂੰ ਵੀ ਪੜ੍ਹੋ:
ਪੰਜਾਬ ਪੁਲਿਸ ਅਤੇ ਸਿੱਖ ਭਾਵਨਾਵਾਂ – ਡੀ.ਜੀ.ਪੀ. ਦਿਨਕਰ ਗੁਪਤਾ ਦੇ ਨਾਂਅ ਐੱਚ.ਐੱਸ. ਬਾਵਾ ਦੀ ਚਿੱਠੀ
ਸਾਡਾ ਫ਼ੇਸਬੁੱਕ ਪੇਜ ਲਾਈਕ ਕਰਨ ਲਈ ਕਲਿੱਕ ਕਰੋ
