ਚੰਡੀਗੜ੍,ਹ 10 ਜਨਵਰੀ, 2020:
ਆਵਾਜ਼ ਇੱਕ ਅਜਿਹੀ ਕਲਾ ਹੈ ਜੋ ਪਲੇਬੈਕ ਗਾਇਕਾਂ ਨੂੰ ਉਹਨਾਂ ਦੀ ਲੋੜੀਂਦੀ ਸੋਹਰਤ ਅਤੇ ਪਹਿਚਾਣ ਦਿਲਾਉਂਦੀ ਹੈ। ਇੱਥੇ ਕੁਝ ਅਜਿਹੇ ਕਲਾਕਾਰ ਹਨ ਸਿਰਫ ਗਾਇਕੀ ਚ ਹੀ ਨਹੀਂ ਅਦਾਕਾਰੀ ਚ ਵੀ ਓਹਨੇ ਹੀ ਹੁਨਰਮੰਦ ਹਨ। ਇੱਕ ਅਜਿਹਾ ਹੀ ਨਾਮ ਜਿਸਨੇ ਆਪਣੀ ਅਦਾਕਾਰੀ ਅਤੇ ਲਾਜਵਾਬ ਆਵਾਜ਼ ਨਾਲ ਇੱਕ ਖਾਸ ਪਹਿਚਾਣ ਬਣਾਈ ਹੈ ਉਹ ਹਨ ਸ਼ਿਪਰਾ ਗੋਇਲ। ਹਾਲ ਹੀ ਵਿੱਚ ਉਹਨਾਂ ਨੇ ਆਪਣਾ ਨਵਾਂ ਗੀਤ ‘ਸਾਹ ਚੱਲਦੇ’ ਰਿਲੀਜ਼ ਕੀਤਾ।
ਇਸ ਗੀਤ ਨੂੰ ਲਿਖਿਆ ਹੈ ਨਿੱਕ ਨੇ। ਇਸ ਗੀਤ ਨੂੰ ਸੰਗੀਤਬੰਦ ਕੀਤਾ ਹੈ ਮਿਕਸ ਸਿੰਘ ਨੇ। ਸ਼ੈਬੀ ਨੇ ਇਸ ਗੀਤ ਦੀ ਵੀਡੀਓ ਨੂੰ ਡਾਇਰੈਕਟ ਕੀਤਾ ਹੈ। ਇਹ ਗੀਤ ਟੀ ਸੀਰੀਜ਼ ਦੀ ਪੇਸ਼ਕਸ਼ ਹੈ।
ਇਸ ਗੀਤ ਬਾਰੇ ਗੱਲ ਕਰਦੇ ਹੋਏ ਸ਼ਿਪਰਾ ਗੋਇਲ ਨੇ ਕਿਹਾ, “ਰੋਮਾਂਸ ਮੇਰਾ ਹਮੇਸ਼ਾ ਤੋਂ ਸਭ ਤੋਂ ਪਸੰਦੀਦਾ ਜ਼ੋਨਰ ਰਿਹਾ ਹੈ। ਇਹ ਗੀਤ ਮੈਂਨੂੰ ਖੁਦ ਬਹੁਤ ਪਸੰਦ ਹੈ ਅਤੇ ਮੈਂ ਇਸ ਗੀਤ ਨੂੰ ਲੈਕੇ ਬਹੁਤ ਹੀ ਉਤਸਾਹਿਤ ਹਾਂ। ਮੈਂ ਜਦੋਂ ਦਾ ਇਹ ਗੀਤ ਰਿਕਾਰਡ ਕੀਤਾ ਉਸ ਟਾਇਮ ਤੋਂ ਮੈਂ ਇਸਨੂੰ ਲਗਾਤਾਰ ਗੁਣਗੁਣਾ ਰਹੀ ਹਾਂ। ਮੈਂਨੂੰ ਰੋਹਨ ਨਾਲ ਕੰਮ ਕਰਕੇ ਬਹੁਤ ਹੀ ਮਜ਼ਾ ਆਇਆ। ਉਸਨੇ ਮੇਰਾ ਬਹੁਤ ਹੀ ਸਾਥ ਦਿੱਤਾ ਹੈ ਅਤੇ ਮੈਂ ਉਮੀਦ ਕਰਦੀ ਹਾਂ ਕਿ ਜੋ ਅਸੀਂ ਦਰਸ਼ਕਾਂ ਨੂੰ ਪੇਸ਼ ਕਰ ਰਹੇ ਹਾਂ ਉਹ ਉਹਨਾਂ ਨੂੰ ਜਰੂਰ ਪਸੰਦ ਆਵੇਗਾ।”
ਇਸ ਗੀਤ ਦੀ ਵੀਡੀਓ ਚ ਨਜ਼ਰ ਆਉਣ ਵਾਲੇ ਰੋਹਨ ਮਹਿਰਾ ਨੇ ਕਿਹਾ, “ਇਹ ਪਹਿਲੀ ਵਾਰ ਹੈ ਜਦੋਂ ਮੈਂ ਪੰਜਾਬੀ ਵੀਡੀਓ ਵਿੱਚ ਕੰਮ ਕੀਤਾ ਹੈ ਉਹ ਵੀ ਸ਼ਿਪਰਾ ਮੈਮ ਨਾਲ। ਉਹ ਹੁਨਰ ਦੀ ਖਾਣ ਹਨ ਅਤੇ ਮੈਂ ਆਪਣੇ ਆਪ ਨੂੰ ਬਹੁਤ ਹੀ ਖੁਸ਼ਕਿਸਮਤ ਸਮਝਦਾ ਹਾਂ ਕਿ ਮੈਂਨੂੰ ਉਹਨਾਂ ਨਾਲ ਕੰਮ ਕਰਨ ਦਾ ਮੌਕਾ ਮਿਲਿਆ। ਇਹ ਮੇਰੇ ਲਈ ਬਹੁਤ ਹੀ ਸਿੱਖਣ ਵਾਲਾ ਅਨੁਭਵ ਰਿਹਾ ਅਤੇ ਮੈਂ ਉਮੀਦ ਕਰਦਾ ਹਾਂ ਕਿ ਦਰਸ਼ਕ ਪੂਰੀ ਟੀਮ ਦੀ ਕੋਸ਼ਿਸ਼ਾਂ ਨੂੰ ਸਰਾਹੁਣਗੇ।”
ਗੀਤ ‘ਸਾਹ ਚੱਲਦੇ’ ਪਹਿਲਾਂ ਹੀ ਟੀ-ਸੀਰੀਜ਼ ਦੇ ਔਫ਼ਿਸ਼ਲ ਯੂਟਿਊਬ ਚੈਨਲ ਤੇ 10 ਜਨਵਰੀ 2020 ਨੂੰ ਰਿਲੀਜ਼ ਹੋ ਚੁੱਕਾ ਹੈ।
ਗਾਣਾ ਵੇਖੋ
