ਯੈੱਸ ਪੰਜਾਬ
ਮੁੰਬਈ, 2 ਦਸੰਬਰ, 2022:
ਬਾਲੀਵੁੱਡ ਦੇ ਨਾਮੀ ਗਾਇਕ ਜੁਬੀਨ ਨੌਟਿਆਲ ਵੀਰਵਾ ਸਵੇਰੇ ਇਕ ਹਾਦਸੇ ਦਾ ਸ਼ਿਕਾਰ ਹੋ ਗਏ ਜਿਸ ਤੋਂ ਬਾਅਦ ਉਨ੍ਹਾਂ ਨੂੰ ਜ਼ਖ਼ਮੀ ਹਾਲਤ ਵਿੱਚ ਮੁੰਬਈ ਦੇ ਇੱਕ ਹਸਪਤਾਲ ਵਿੱਚ ਦਾਖ਼ਲ ਕਰਵਾਇਆ ਗਿਆ ਹੈ।
ਮੁੰਬਈ ਦੀ ਹਿਕ ਬਿਲਡਿੰਗ ਵਿੱਚ ਪੌੜੀਆਂ ਤੋਂ ਡਿੱਗੇ ਜੁਬੀਨ ਨੌਟਿਆਲ ਦੇ ਸਿਰ ਅਤੇ ਕੂਹਨੀ ’ਤੇ ਗੰਭੀਰ ਸੱਟਾਂ ਲੱਗਣ ਅਤੇ ਪਸਲੀਆਂ ਟੁੱਟਣ ਦੀ ਖ਼ਬਰ ਹੈ। ਇਸ ਸੰਬੰਧੀ ਇਕ ਅਧਿਕਾਰਤ ਬਿਆਨ ਜਾਰੀ ਕੀਤਾ ਗਿਆ ਹੈ।
ਜੁਬੀਨ ਦੀ ਸੱਜੀ ਬਾਂਹ ਦਾ ਅਪਰੇਸ਼ਨ ਕਰਨਾ ਪਵੇਗਾ ਅਤੇ ਡਾਕਟਰਾਂ ਨੇ ਉਸਨੂੰ ਹਾਲ ਦੀ ਘੜੀ ਸੱਜੀ ਬਾਂਹ ਦੀ ਵਰਤੋਂ ਨਾ ਕਰਨ ਦੀ ਸਲਾਹ ਦਿੱਤੀ ਹੈ।
ਭਾਰਤੀ ਮਿਊਜ਼ਿਕ ਇੰਡਸਟਰੀ ਵਿੱਚ ਆਪਣੇ ਆਪ ਨੂੰ ਮੋਹਰੀ ਗਾਇਕਾਂ ਦੀ ਕਤਾਰ ਵਿੱਚ ਸ਼ਾਮਲ ਕਰ ਲੈਣ ਵਾਲੇ ਜੁਬੀਨ ਨੌਟਿਆਲ ਨੇ ਕੌਮਾਂਤਰੀ ਪ੍ਰਸਿੱਧੀ ਪ੍ਰਾਪਤ ਕਰਨ ਵਾਲੇ ਕਈ ਗ਼ੀਤ ਗਾਏ ਹਨ ਜਿਨ੍ਹਾਂ ਵਿੱਚ ‘ਰਾਤਾਂ ਲੰਬੀਆਂ’, ‘ਲੁੱਟ ਗਏ’, ‘ਹਮਨਵਾ ਮੇਰੇ’, ‘ਤੁਝੇ ਕਿਤਨਾ ਚਾਹਣੇ ਲਗੇ ਹਮ’, ‘ਤੁਮ ਹੀ ਆਣਾ’ ਅਤੇ ‘ਬੇਵਫ਼ਾ ਤੇਰਾ ਮਾਸੂਮ ਚਿਹਰਾ’ ਆਦਿ ਸ਼ਾਮਲ ਹਨ।
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
