- Advertisement -
ਅੱਜ-ਨਾਮਾ
ਆਗੂ ਦਿੱਲੀ ਦੇ ਸਿੱਖਾਂ ਦੇ ਸੱਤ ਸੀਨੀਅਰ,
ਅਕਾਲੀ ਪਾਰਟੀ ਨੂੰ ਗਏ ਆ ਛੱਡ ਮੀਆਂ।
ਸ਼ਰਣ ਪਹੁੰਚ ਗਏ ਉਹ ਸਾਰੇ ਭਾਜਪਾ ਦੀ,
ਅਕਾਲੀ ਵੇਖ ਰਹੇ ਅੱਖਾਂ ਹਨ ਟੱਡ ਮੀਆਂ।
ਕਮਲ ਫੁੱਲ ਦਾ ਪਿਆ ਫਿਰ ਜਦੋਂ ਪਰਨਾ,
ਪਹਿਲੀ ਦਿੱਖ ਤੋਂ ਅਕਸ ਆ ਅੱਡ ਮੀਆਂ।
ਝੰਡਾ ਕਾਰ ਦਾ ਦਿੱਤਾ ਫਿਰ ਬਦਲ ਝਬਦੇ,
ਕੋਠੀ ਉੱਪਰ ਹੈ ਨਵਾਂ ਲਿਆ ਗੱਡ ਮੀਆਂ।
ਜਿੱਦਾਂ ਦਾ ਸਬਕ ਸੀ ਦਿੱਤਾ ਅਕਾਲੀਆਂ ਨੇ,
ਓਸੇ ਈ ਸੋਚ ਦਾ ਫੜ ਲਿਆ ਰਾਹ ਮੀਆਂ।
ਪੰਜਾਬ ਵਿੱਚ ਵੀ ਲੀਡਰ ਕੁਝ ਸੁਣੀਂਦੇ ਨੇ,
ਜਿਹੜੇ ਇਹੋ ਜਿਹੀ ਕਰਨ ਸਲਾਹ ਮੀਆਂ।
-ਤੀਸ ਮਾਰ ਖਾਂ
28 ਅਪ੍ਰੈਲ, 2024
- Advertisement -
