ਯੈੱਸ ਪੰਜਾਬ
ਜਲੰਧਰ/ਕਪੂਰਥਲਾ, 21 ਅਪ੍ਰੈਲ, 2022:
ਆਈ.ਕੇ. ਗੁਜਰਾਲ ਪੰਜਾਬ ਟੈਕਨੀਕਲ ਯੂਨੀਵਰਸਿਟੀ (ਆਈ.ਕੇ.ਜੀ. ਪੀ.ਟੀ.ਯੂ.) ਵੱਲੋਂ ਆਪਣੇ ਵਿਦਿਆਰਥੀਆਂ ਨੂੰ ਬਿਹਤਰ ਅਕਾਦਮਿਕ ਮੌਕੇ ਪ੍ਰਦਾਨ ਕਰਨ ਦੇ ਉਦੇਸ਼ ਨਾਲ ਯੂਨਾਈਟਿਡ ਕਿੰਗਡਮ (ਯੂ.ਕੇ) ਦੀ ਹਡਰਸਫੀਲਡ ਯੂਨੀਵਰਸਿਟੀ ਨਾਲ ਇਕ ਕਰਾਰ ਕੀਤਾ ਗਿਆ ਹੈ!
ਇਸ ਕਰਾਰ ‘ਤੇ ਹਸਤਾਖਰ ਕਰਨ ਤੋਂ ਬਾਅਦ ਦੋਵੇਂ ਵਿਦਿਅਕ ਅਦਾਰੇ ਆਪਸੀ ਤਰੱਕੀ ਅਤੇ ਦੋਸਤੀ ਦੀ ਭਾਵਨਾ ਨਾਲ ਦੋਵਾਂ ਦੇਸ਼ਾਂ ਵਿਚ ਆਪਣੇ-ਆਪਣੇ ਵਿਦਿਆਰਥੀਆਂ ਲਈ ਬਿਹਤਰ ਮੌਕਿਆਂ ‘ਤੇ ਕੰਮ ਕਰਨਗੇ। ਨਾਲ ਹੀ ਦੋਵੇਂ ਸੰਸਥਾਵਾਂ ਫੈਕਲਟੀ ਵਿਕਾਸ ਲਈ ਵੀ ਮਿਲਕੇ ਕੰਮ ਕਰਨਗੀਆਂ।
ਯੂਨੀਵਰਸਿਟੀ ਦੇ ਡੀਨ ਪਲੈਨਿੰਗ ਐਂਡ ਐਕਸਟਰਨਲ ਪਲੈਨਿੰਗ (ਪੀ.ਐਂਡ.ਈ.ਪੀ.) ਪ੍ਰੋ. (ਡਾ.) ਯਾਦਵਿੰਦਰ ਸਿੰਘ ਬਰਾੜ ਨੇ ਦੱਸਿਆ ਕਿ ਦੋਵੇਂ ਯੂਨੀਵਰਸਿਟੀਆਂ ਵੱਖ-ਵੱਖ ਯੋਜਨਾਵਾਂ, ਅਧਿਆਪਨ, ਖੋਜ ਕਾਰਜਾਂ, ਸਟਾਫ਼ ਦੇ ਆਦਾਨ-ਪ੍ਰਦਾਨ, ਸੈਮੀਨਾਰ, ਲੈਕਚਰ, ਕਾਨਫਰੰਸ, ਵਿਦਿਅਕ ਸਮੱਗਰੀ ਦਾ ਆਦਾਨ-ਪ੍ਰਦਾਨ ਕਰਨ ਹਿੱਤ ਮਿਲਕੇ ਕੰਮ ਕਰਨਗੀਆਂ! ਸਾਂਝੀਆਂ ਅਕਾਦਮਿਕ ਗਤੀਵਿਧੀਆਂ ਲਈ ਲਗਾਤਾਰ ਪੰਜ ਸਾਲ ਲਈ ਇਹ ਕਰਾਰ ਲਾਗੂ ਰਹੇਗਾ!
ਇਸ ਤੋਂ ਇਲਾਵਾ ਵਿਚਾਰ-ਵਟਾਂਦਰਾ, ਸਾਂਝੀ ਦਿਲਚਸਪੀ ਦੇ ਵਿਸ਼ੇ, ਵਿਦਿਆਰਥੀਆਂ ਦੇ ਆਦਾਨ-ਪ੍ਰਦਾਨ ਆਦਿ ਉਪਰ ਵੀ ਕੰਮ ਕੀਤਾ ਜਾਵੇਗਾ! ਡਾਇਰੈਕਟਰ ਪੀ.ਐਂਡ.ਈ.ਪੀ ਡਾ.ਏਕਓਂਕਾਰ ਸਿੰਘ ਜੌਹਲ ਨੇ ਦੱਸਿਆ ਕਿ ਇਸਦੀ ਸਲਾਨਾ ਆਧਾਰ ‘ਤੇ ਸਮੀਖਿਆ ਕੀਤੀ ਜਾਵੇਗੀ ਤੇ ਹੋਰ ਨਵਾਂ ਕਾਰਨ ਲਈ ਭਵਿੱਖ ਚ ਕੰਮ ਕੀਤਾ ਜਾਵੇਗਾ।
ਯੂਨੀਵਰਸਿਟੀ ਦੇ ਉਪ-ਕੁਲਪਤੀ ਸ਼੍ਰੀ ਰਾਹੁਲ ਭੰਡਾਰੀ ਆਈ.ਏ.ਐਸ, ਜੋ ਕਿ ਤਕਨੀਕੀ ਸਿੱਖਿਆ ਅਤੇ ਉਦਯੋਗਿਕ ਸਿਖਲਾਈ ਵਿਭਾਗ ਪੰਜਾਬ ਸਰਕਾਰ ਦੇ ਪ੍ਰਮੁੱਖ ਸਕੱਤਰ ਵੀ ਹਨ, ਵੱਲੋਂ ਇਸ ਅਕਾਦਮਿਕ ਸਹਿਯੋਗ ਲਈ ਟੀਮ ਪੀ ਐਂਡ ਈ.ਪੀ ਨੂੰ ਵਧਾਈ ਭੇਜੀ ਗਈ ਹੈ।
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
