ਅੱਜ-ਨਾਮਾ
ਚੱਲਦਾ ਮੋਰਚਾ ਦਿੱਲੀ ਦਾ ਅਜੇ ਤੀਕਰ,
ਲੱਗਿਆ ਦੂਸਰਾ ਆਣ ਕਰਨਾਲ ਮੀਆਂ।
ਅਫਸਰਸ਼ਾਹੀ ਹੈ ਸੱਤਾ ਦੀ ਬਣੀ ਬਾਂਦੀ,
ਰਾਜਨੀਤੀ ਦੇ ਮਿਲੀ ਪਈ ਨਾਲ ਮੀਆਂ।
ਦਿੱਤਾ ਅੱਧਾ ਜੇ ਹੁਕਮ ਸਰਕਾਰ ਬੇਸ਼ੱਕ,
ਬਾਕੀ ਲੈਂਦੀ ਇਹ ਵਾਗ ਸੰਭਾਲ ਮੀਆਂ।
ਨੰਬਰ ਦਿੱਲੀ ਦੇ ਤੱਕ ਬਣਾਉਣ ਖਾਤਰ,
ਹੁੰਦੀ ਹਾਕਮ ਦੀ ਮੁੱਛ ਦਾ ਵਾਲ ਮੀਆਂ।
ਕੱਟਾ ਤੀਂਘੜਦਾ ਕਿੱਲੇ ਦੇ ਜ਼ੋਰ ਕਾਰਨ,
ਅਫਸਰ ਖੱਟਰ ਦੇ ਜ਼ੋਰ`ਤੇ ਨੱਚਦੇ ਈ।
ਨਾਲ ਸਿਰੜ੍ਹ ਦੇ ਖੜੇ ਕਿਰਸਾਨ ਮੂਹਰੇ,
ਸੂਰਮੇ ਸਿਦਕ ਦੇ, ਮੋਰਚੇ ਸੱਚ ਦੇ ਈ।
-ਤੀਸ ਮਾਰ ਖਾਂ
ਸਤੰਬਰ 09, 2021
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ