- Advertisement -
ਅੱਜ-ਨਾਮਾ
ਸਾਰੇ ਈ ਰਾਹ ਜਦ ਦਿੱਲੀ ਨੂੰ ਵਹਿਣ ਲੱਗੇ,
ਸਰਕਾਰ ਹੋਈ ਹਰਿਆਣੇ ਦੀ ਗਰਮ ਬੇਲੀ।
ਚਾੜ੍ਹ`ਤੇ ਲਸ਼ਕਰ ਕਿਸਾਨਾਂ ਨੂੰ ਘੇਰਨੇ ਲਈ,
ਖਿਝਿਆ ਪਿਆ ਕਿਸਾਨ ਨਹੀਂ ਨਰਮ ਬੇਲੀ।
ਚੱਲ ਰਹੀ ਡਾਂਗ ਪਈ ਅੱਥਰੂ ਗੈਸ ਵਰ੍ਹਦੀ,
ਕਰਦੀ ਨਹੀਂ ਸਰਕਾਰ ਕੋਈ ਸ਼ਰਮ ਬੇਲੀ।
ਲੋਕਤੰਤਰ ਵਿੱਚ ਲੋਕ ਕੁੱਟਵਾਏ ਮੁੜ-ਮੁੜ,
ਸਿਰ ਵਿੱਚ ਹਊਮੈ ਦਾ ਚੰਦਰਾ ਜਰਮ ਬੇਲੀ।
ਅੱਜ ਤੇ ਫਿਕਰ ਨਹੀਂ ਜਾਪਦਾ ਹਾਕਮਾਂ ਨੂੰ,
ਦਿੱਤੀਆਂ ਪਲਟਣਾਂ ਉਹਨੇ ਆ ਝੋਕ ਬੇਲੀ।
ਅਗਲੀ ਚੋਣ ਜਦ ਆਈ ਤਾਂ ਸਮਝ ਆਊ,
ਭਾਜੀਆਂ ਮੋੜਨਗੇ ਓਦੋਂ ਇਹ ਲੋਕ ਬੇਲੀ।
-ਤੀਸ ਮਾਰ ਖਾਂ
ਨਵੰਬਰ 27, 2020
- Advertisement -
