ਜੰਡਿਆਲਾ ਗੁਰੂ, 15 ਅਪ੍ਰੈਲ, 2021 (ਵਰੁਣ ਸੋਨੀ)
ਨਗਰ ਕੌਂਸਲ ਚੋਣਾਂ ਪਿਛਲੇ 14 ਫਰਵਰੀ ਅਤੇ ਨਤੀਜੇ 17 ਫਰਵਰੀ ਨੂੰ ਐਲਾਨ ਕੀਤਾ ਗਿਆ, ਜਿਸ ਵਿੱਚ ਕਾਂਗਰਸ ਨੇ ਵੱਡੀ ਲੀਡ ਨਾਲ 15 ਸੀਟਾਂ ਵਿਚੋ 10ਸੀਟਾਂ ਹਾਸਿਲ ਕੀਤੀਆਂ।
ਜਿਸ ਵਿੱਚ ਪ੍ਰਧਾਨ ਦੇ ਚੋਣ ਲਈ ਇਕ ਲੰਬੇ ਇੰਤਜ਼ਾਰ ਕਰਨ ਤੋਂ ਬਾਅਦ ਅੱਜ ਐਸ. ਡੀ. ਐਮ. ਅੰਮ੍ਰਿਤਸਰ ਦੀ ਅਗਵਾਈ ਵਿਚ ਪ੍ਰਧਾਨ ਅਤੇ ਉਪ ਪ੍ਰਧਾਨ ਦੇ ਚੋਣ ਹੋਏ। ਜਿਸ ਵਿਚ ਹਲਕਾ ਵਿਧਾਇਕ ਅਤੇ ਅੱਠ ਕੌਂਸਲਰ ਨੇ ਸੰਜੀਵ ਕੁਮਾਰ ਲਵਲੀ ਨੂੰ ਵੋਟ ਕੀਤਾ। ਇਸ ਤਰਾਂ 9 ਵੋਟ ਸੰਜੀਵ ਕੁਮਾਰ ਲਵਲੀ ਦੇ ਹੱਕ ਵਿੱਚ ਗਿਆ।
ਦੂਜੇ ਪਾਸੇ ਨਿਸ਼ਾ ਮਲਹੋਤਰਾ ਦੇ ਹੱਕ ਵਿੱਚ6 ਵੋਟ ਗਏ। ਇਸ ਤਰਾਂ ਉਪ ਪ੍ਰਧਾਨ ਰਣਧੀਰ ਸਿੰਘ ਧੀਰਾ ਨੂੰ ਵੀ ਹਲਕਾ ਵਿਧਾਇਕ ਨੂੰ ਮਿਲਾ ਕੇ ਕੁੱਲ 9 ਵੋਟ ਮਿਲੇ।ਅਤੇ ਸਰਬ ਸੰਮਤੀ ਨਾਲ ਸੰਜੀਵ ਕੁਮਾਰ ਲਵਲੀ ਨੂੰ ਨਗਰ ਕੌਂਸਲ ਪ੍ਰਧਾਨ ਅਤੇ ਰਣਧੀਰ ਸਿੰਘ ਧਿਰਾ ਨੂੰ ਉਪ ਪ੍ਰਧਾਨ ਚੁਣਿਆ ਗਿਆ।
ਇਸ ਮੌਕੇ ਹਲਕਾ ਐੱਮ.ਐੱਲ. ਏ ਨੇ ਦੱਸਿਆ ਕਿ ਜਿਸ ਤਰਾਂ ਪਿਛਲੇ 5 ਸਾਲਾਂ ਤੋਂ ਜੰਡਿਆਲਾ ਗੁਰੂ ਹਲਕੇ ਵਿਚ ਵਿਕਾਸ ਦੇ ਕੰਮ ਕੀਤੇ ਹਨ ਉਸ ਵਿਚ ਹੋਰ ਤੇਜ਼ੀ ਲਿਆਂਦੀ ਜਾਵੇਗੀ।ਮੈਨੂੰ ਆਸ ਹੈ ਕਿ ਇਹ ਸ਼ਹਿਰ ਵਾਸੀਆਂ ਦੇ ਉਮੀਦਾਂ ਤੇ ਖੜੇ ਉਤਰਨਗੇ ।
ਪ੍ਰਧਾਨ ਸੰਜੀਵ ਕੁਮਾਰ ਨੇ ਕਿਹਾ ਕਿ ਸ਼ਹਿਰ ਵਾਸੀਆਂ ਵੱਲੋਂ ਜੋ ਜਿੰਮੇਵਾਰੀ ਦਿੱਤੀ ਗਈ ਹੈ ਉਸ ਨੂੰ ਮੈਂ ਪੂਰੀ ਇਮਾਨਦਾਰੀ ਅਤੇ ਪਾਰਟੀ ਲੈਵਲ ਤੋਂ ਉੱਪਰ ਉੱਠ ਕੇ ਲੋਕਾਂ ਦੀ ਉਮੀਦਾਂ ਤੇ ਖੜੇ ਉਤਰਾਗਾ ।ਜਦੋ ਉਪ ਪ੍ਰਧਾਨ ਰਣਧੀਰ ਸਿੰਘ ਨਾਲ ਗੱਲ ਕੀਤੀ ਤਾਂ ਕਿਹਾ ਕਿ ਪਿਛਲੇ ਕਈ ਸਾਲਾਂ ਤੋਂ ਮੇਰਾ ਪਰਿਵਾਰ ਸ਼ਹਿਰ ਵਾਸੀਆਂ ਦੇ ਉਮੀਦਾਂ ਤੇ ਖੜੇ ਉਤਰਿਆ ਹੈ।
ਸ਼ਹਿਰ ਵਾਸੀਆਂ ਨਾਲ ਮੇਰਾ ਕੇਵਲ ਰਾਜਨੀਤਿਕ ਹੀ ਨਹੀਂ ਬਲਕਿ ਪਰਿਵਾਰਿਕ ਸੰਬੰਧ ਵੀ ਹੈ ਅਤੇ ਮੈਂ ਪੂਰੀ ਇਮਾਨਦਾਰੀ ਅਤੇ ਤਨ ਮਨ ਨਾਲ ਸ਼ਹਿਰ ਵਾਸੀਆਂ ਦੀ ਸੇਵਾ ਕਰਾਂਗਾ।ਇਸ ਮੌਕੇ ਜਸਵਿੰਦਰ ਪੀ.ਏ,ਡੀ. ਐੱਸ.ਪੀ ਜੰਡਿਆਲਾ ਗੁਰੂ ਸੁਖਵਿੰਦਰ ਪਾਲ ਸਿੰਘ,ਐੱਸ.ਐਚ.ਓ ਤਰਸਿੱਕਾ ਗੁਰਵਿੰਦਰ ਸਿੰਘ, ਰਾਣਾ ਝੰਡ ਅਤੇ ਕੌਂਸਲਰ ਸਾਹਿਬਾਨ ਮਜ਼ੂਦ ਸਨ।