ਫਤਹਿਗੜ੍ਹ ਸਾਹਿਬ, 16 ਫ਼ਰਵਰੀ, 2020:
ਦਿੱਲੀ ਤਿਹਾੜ ਜੇਲ੍ਹ ਵਿੱਚ ਨਜ਼ਰਬੰਦ ਸਰਬੱਤ ਖਾਲਸਾ ਵੱਲੋਂ ਧਾਪੇ ਜਥੇਦਾਰ ਜਗਤਾਰ ਸਿੰਘ ਹਵਾਰਾ ਦੇ ਨਿਰਦੇਸ਼ਾਂ ਤੇ ਕਾਰਜਸ਼ੀਲ ਕਮੇਟੀ ਵੱਲੋਂ ਪੰਥਕ ਮਸਲਿਆ ਤੇ ਅਪਣਾਈ ਪਹੁੰਚ ਤੇ ਤਸੱਲੀ ਪ੍ਰਗਟ ਕਰਦਿਆਂ ਅੱਜ ਵੱਡੀ ਗਿਣਤੀ ਵਿੱਚ ਨੌਜਵਾਨ ਜਥੇਦਾਰ ਹਵਾਰਾ ਕਮੇਟੀ ਵਿੱਚ ਫਤਹਿਗੜ੍ਹ ਸਾਹਿਬ ਵਿਖੇ ਸ਼ਾਮਿਲ ਹੋਏ। ਇਹ ਨੌਜਵਾਨ ਸਮਰਾਲਾ, ਮੰਡੀਗੋਬਿੰਦ ਗੜ੍ਹ, ਅਮਲੋਹ, ਪਟਿਆਲਾ, ਕੁਰਾਲੀ, ਖਰੜ, ਮੋਹਾਲੀ ਅਤੇ ਫਤਹਿਗੜ੍ਹ ਸਾਹਿਬ ਤੋਂ ਆਏ ਸਨ।
ਨੋਜਵਾਨਾ ਨੇ ਕਮੇਟੀ ਵੱਲੋਂ ਕੀਤੇ ਜਾ ਰਹੇ ਪੰਥਕ ਕਾਰਜਾਂ ਅਤੇ ਲੋਕ ਭਲਾਈ ਦੇ ਕਾਰਜਾਂ ਦੀ ਸਿਫ਼ਤ ਕੀਤੀ। ਕਮੇਟੀ ਆਗੁ ਐਡਵੋਕੇਟ ਅਮਰ ਸਿੰਘ ਚਾਹਲ, ਬਾਪੂ ਗੁਰਚਰਨ ਸਿੰਘ ਅਤੇ ਪ੍ਰੋਫੈਸਰ ਬਲਜਿੰਦਰ ਸਿੰਘ ਨੇ ਪ੍ਰੈਸ ਕਾਨਫਰੰਸ ਦੌਰਾਨ ਕਿਹਾ ਕਿ ਅੱਜ ਪੰਜਾਬ ਦੇ ਨੌਜਵਾਨਾਂ ਲਈ ਜਥੇਦਾਰ ਹਵਾਰਾ ਇਕ ਰੋਲ ਮਾਡਲ ਹੈ। ਉਨ੍ਹਾ ਪੰਜਾਬ ਦੇ ਨੋਜਵਾਨਾ ਨੂੰ ਸੱਦਾ ਦਿੱਤਾ ਕਿ ਸੁਬੇ ਦੇ ਭਵਿਖ ਨੂੰ ਬਚਾਉਣ ਲਈ ਬਿਨਾ ਕਿਸੇ ਲਾਲਚ ਦੇ ਅੱਗੇ ਆਉਣ।
ਗੁਰੂ ਸਾਹਿਬ ਦੀ ਸਿੱਖਿਆਵਾ ਨੂੰ ਆਧਾਰ ਬਣਾ ਕੇ ਗਰਮਤਿ ਪ੍ਰਚਾਰ ਲਹਿਰ ਰਾਹੀਂ ਅਸੀਂ ਨਵੇਂ ਸਮਾਜ ਦੀ ਘਾੜਤ ਕਰ ਸਕਦੇ ਹਾਂ। ਅਜੱ ਲੋੜ ਹੈ ਬਜ਼ੁਰਗਾਂ ਦਾ ਤਜਰਬਾ ਅਤੇ ਨੌਜਵਾਨਾਂ ਦੀ ਸ਼ਕਤੀ ਦਾ ਸੁਮੇਲ ਕੀਤਾ ਜਾਵੇ ਅਤੇ ਨੌਜਵਾਨਾਂ ਨੂੰ ਕੌਮੀ ਅਤੇ ਸਮਾਜਿਕ ਜ਼ੁੰਮੇਵਾਰੀਆਂ ਸੌਂਪੀਆਂ ਜਾਣ।ਅੱਜ ਦੀ ਮੀੰਟਿਗ ਵਿੱਚ ਨੌਜਵਾਨਾਂ ਦੀ ਡਿੳਿਟੀ ਲਗਾਈ ਗਈ ਕਿ ਉਹ ਕਮੇਟੀ ਦੇ ਵਿਸਤਾਰ ਲਈ ਹਰ ਜ਼ਿਲ੍ਹੇ ਵਿੱਚ ਸੰਪਰਕ ਮੁੰਹਿਮ ਨੂੰ ਤੇਜ਼ ਕਰਨ।
ਮੀੰਟਿਗ ਵਿੱਚ ਭੁਪਿੰਦਰ ਸਿੰਘ ਭਲਵਾਨ ਜਰਮਨੀ, ਜਸਵੰਤ ਸਿੰਘ ਸਿੱਧੁਪੁਰਾ ,ਬਲਬੀਰ ਸਿੰਘ ਹਿਸਾਰ, ਬਗ਼ੀਚਾ ਸਿੰਘ ਰੱਤਾ ਖੇੜਾ, ਬਲਵਿੰਦਰ ਸਿੰਘ ਚਨਾਰਧਲ, ਮਾਸਟਰ ਸੰਤੋਖ ਸਿੰਘ, ਪ੍ਰਦੀਪ ਸਿੰਘ ਸੰਗਤ ਪੁਰਾ, ਕੁਲਦੀਪ ਸਿੰਘ ਦੁਭਾਲੀ, ਗੁਰਜੰਟ ਸਿੰਘ, ਗੁਰਪ੍ਰੀਤ ਸਿੰਘ ਬੱਬਰ, ਨਿਰਮਲ ਸਿੰਘ ਜੋਗੀ ਮਾਜਰਾ, ਸੁਜਾਨ ਸਿੰਘ ਸਮਰਾਲਾ, ਅਜਵੰਤ ਸਿੰਘ ਸਮਰਾਲਾ, ਸੁਖਵਿੰਦਰ ਸਿੰਘ, ਰੁਪਿਦੰਰ ਸਿੰਘ ਆਦਿ ਹਾਜ਼ਰ ਸਨ ।