IT Raids continue at residences of Punjabi singers Kanwar Grewal and Ranjit Bawa
ਯੈੱਸ ਪੰਜਾਬ
ਮੋਹਾਲੀ, 20 ਦਸੰਬਰ, 2022:
ਪੰਜਾਬੀ ਦੇ ਨਾਮਵਰ ਗਾਇਕਾਂ ਕੰਵਰ ਗਰੇਵਾਲ ਅਤੇ ਰਣਜੀਤ ਬਾਵਾ ਦੇ ਘਰ ਸੋਮਵਾਰ ਨੂੰ ਸ਼ੁਰੂ ਹੋਏ ਆਮਦਨਕਰ ਦੇ ਛਾਪੇ 24 ਘੰਟੇ ਲੰਘ ਜਾਣ ਬਾਅਦ ਵੀ ਮੰਗਲਵਾਰ ਸਵੇਰ ਤਕ ਜਾਰੀ ਹਨ।
ਜ਼ਿਕਰਯੋਗ ਹੈ ਕਿ ਸੋਮਵਾਰ ਸਵੇਰੇ 9 ਵਜੇ ਦੇ ਕਰੀਬ ਕੰਵਰ ਗਰੇਵਾਲ ਦੇ ਮੁਹਾਲੀ ਦੇ ਸੈਕਟਰ 104 ਸਥਿਤ ਅਪਾਰਟਮੈਂਟ ਵਿੱਚ ਅਤੇ ਰਣਜੀਤ ਬਾਵਾ ਦੇ ਮੁਹਾਲੀ ਅਤੇ ਬਟਾਲਾ ਸਣੇ 4 ਟਿਕਾਣਿਆਂ ’ਤੇ ਇਕੋ ਵੇਲੇ ਛਾਪੇਮਾਰੀ ਕੀਤੀ ਗਈ।
ਰਣਜੀਤ ਬਾਵਾ ਦੇ ਜਿਨ੍ਹਾਂ ਟਿਕਾਣਿਆਂ ’ਤੇ ਛਾਪੇਮਾਰੀ ਕੀਤੀ ਗਈ ਉਨ੍ਹਾਂ ਵਿੱਚ ਰਣਜੀਤ ਬਾਵਾ ਦੀ ਮੋਹਾਲੀ ਦੇ ਸੈਕਟਰ 69 ਸਥਿਤ ਕੋਠੀ ਤੋਂ ਇਲਾਵਾ ਦਫ਼ਤਰ ਅਤੇ ਬਟਾਲਾ ਸਥਿਤ ਉਨ੍ਹਾਂ ਦਾ ਘਰ ਅਤੇ ਉਨ੍ਹਾਂ ਦੇ ਪੀ.ਏ. ਡਿਪਟੀ ਵੋਹਰਾ ਦੇ ਘਰ ਸ਼ਾਮਲ ਹਨ।
ਹਾਲਾਂਕਿ ਰਣਜੀਤ ਬਾਵਾ ਦੇ ਬਟਾਲਾ ਸਥਿਤ ਘਰ ਸਮੇਤ ਤਿੰਨ ਟਿਕਾਣਿਆਂ ’ਤ ਛਾਪੇਮਾਰੀ ਸ਼ਾਮ ਨੂੰ ਸਮਾਪਤ ਹੋ ਗਈ ਸੀ ਪਰ ਉਨ੍ਹਾਂ ਦੀ ਚੰਡੀਗੜ੍ਹ ਸਥਿਤ ਉਕਤ ਕੋਠੀ ਵਿੱਚ ਸੋਮਵਾਰ ਰਾਤ ਤਕ ਜਾਂਚ ਦਾ ਕੰਮ ਜਾਰੀ ਸੀ।
ਰਣਜੀਤ ਬਾਵਾ ਦੀ ਮੋਹਾਲੀ ਸਥਿਤ ਉਕਤ ਕੋਠੀ ਵਿੱਚ ਰਣਜੀਤ ਬਾਵਾ ਅਤੇ ਉਸਦੇ ਮਾਤਾ ਹਾਜ਼ਰ ਸਨ ਜਿਨ੍ਹਾਂ ਤੋਂ ਪੁੱਛ ਗਿੱਛ ਕੀਤੇ ਜਾਣ ਦੀ ਵੀ ਖ਼ਬਰ ਹੈ।
ਸੋਮਵਾਰ ਰਾਤ ਨੂੰ ਛਾਪੇਮਾਰੀ ਮੰਗਲਵਾਰ ਤਕ ਚੱਲਣ ਦਾ ਸੰਕੇਤ ਇਸ ਗੱਲ ਤੋਂ ਮਿਲ ਗਿਆ ਸੀ ਕਿ ਰਣਜੀਤ ਬਾਵਾ ਦੇ ਉਕਤ ਘਰ ਵਿੱਚ ਆਮਦਨ ਕਰ ਵਿਭਾਗ ਦੀ ਟੀਮ ਨੇ ਗੱਦੇ ਅਤੇ ਰਜਾਈਆਂ ਆਦਿ ਮੰਗਵਾ ਲਈਆਂ ਸਨ।
ਜ਼ਿਕਰਯੋਗ ਹੈ ਕਿ ਇਹਨਾਂ ਦੋਵਾਂ ਹੀ ਗਾਇਕਾਂ ਨੇ ਕਿਸਾਨ ਅੰਦੋਲਨ ਦੌਰਾਨ ਮੋਹਰੀ ਭੂਮਿਕਾ ਨਿਭਾਈ ਸੀ ਅਤੇ ਕਿਸਾਨੀ ਅੰਦੋਲਨ ਦੇ ਹੱਕ ਵਿੱਚ ਗ਼ੀਤ ਵੀ ਗਾਏ ਸਨ।
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ