- Advertisement -
ਵੱਡੇ ਅਮੀਰ ਤਾਂ ਵੱਡੇ ਉਹ ਕਰਨ ਘਪਲੇ,
ਘਪਲਾ ਏਦਾਂ ਦਾ ਲੱਭ ਪਿਆ ਹੋਰ ਮੀਆਂ।
ਖੋਜੀ ਮੀਡੀਏ ਨੇ ਕਰੀ ਕੁਝ ਖੋਜ ਤਕੜੀ,
ਗਿਣਨੇ ਹੋਏ ਫਿਰ ਔਖੇ ਸਨ ਚੋਰ ਮੀਆਂ।
ਨੀਰਾ ਰਾਡੀਆ, ਨੀਰਵ ਵੀ ਚੋਰ ਸੁਣਿਆ,
ਪੈਂਦਾ ਜਿਨ੍ਹਾਂ ਦਾ ਬਹੁਤ ਰਿਹਾ ਸ਼ੋਰ ਮੀਆਂ।
ਨਵੀਂ ਕ੍ਰਿਕਟ ਦੇ ਸਚਿਨ ਦੀ ਹੋਈ ਚਰਚਾ,
ਜੀਹਦੀ ਸਾਰਿਆਂ ਤੋਂ ਵੱਖਰੀ ਤੋਰ ਮੀਆਂ।
ਫਸਦੇ ਜਿੰਨੇ ਵੀ ਹੋਰ ਸਨ, ਜਾਣ ਫਸਦੇ,
ਕਰਦੇ ਲੋਕ ਕੋਈ ਖਾਸ ਨਾ ਗੱਲ ਮੀਆਂ।
ਸਦਮਾ ਲੱਗਾ ਕਈ ਕ੍ਰਿਕਟ ਪ੍ਰੇਮੀਆਂ ਨੂੰ,
ਸੂਈ ਤੁਰੀ ਜਦ ਸਚਿਨ ਦੇ ਵੱਲ ਮੀਆਂ।
-ਤੀਸ ਮਾਰ ਖਾਂ
6 ਫਰਵਰੀ, 2024
- Advertisement -