- Advertisement -
ਸ਼ੰਭੂ ਬਾਰਡਰ`ਤੇ ਫੇਰ ਟਕਰਾਉ ਹੋਇਆ,
ਭਿੜੇ ਫਿਰ ਪੁਲਸ ਦੇ ਨਾਲ ਕਿਸਾਨ ਬੇਲੀ।
ਅੱਥਰੂ ਗੈਸ ਦੇ ਗੋਲੇ ਰਹੀ ਪੁਲਸ ਛੱਡਦੀ,
ਭਰਿਆ ਧੂੰਏਂ ਨਾਲ ਕੁੱਲ ਅਸਮਾਨ ਬੇਲੀ।
ਤਰੀਕੇ ਵਰਤ ਲਏ ਸਾਰੇ ਸਨ ਫੋਰਸਾਂ ਨੇ,
ਨਿਕਲੇ ਕਿਸਾਨ ਆ ਬੜੇ ਬਲਵਾਨ ਬੇਲੀ।
ਪਹਿਲਾ ਦਿਨ ਤੇ ਲੰਘਿਆ ਭਿੜਦਿਆਂ ਦਾ,
ਅੱਗੇ ਦਾ ਪਤਾ ਨਹੀਂ ਕੀ ਇਮਕਾਨ ਬੇਲੀ।
ਮੰਗਦਾ ਸੁੱਖ ਇਸ ਮੁਲਕ ਦਾ ਆਮ ਬੰਦਾ,
ਜਾਵਣ ਵਿਗੜ ਨਹੀਂ ਕਿਤੇ ਹਾਲਾਤ ਬੇਲੀ।
ਵੱਡੀ ਚੋਣ ਜਦ ਮੁਲਕ ਵਿੱਚ ਖੜੀ ਮੂਹਰੇ,
ਹੋਣੀ ਸੰਭਾਲ ਨਹੀਂ ਵਿਗੜਦੀ ਬਾਤ ਬੇਲੀ।
-ਤੀਸ ਮਾਰ ਖਾਂ
13 ਫ਼ਰਵਰੀ, 2024
- Advertisement -
