ਯੈੱਸ ਪੰਜਾਬ
ਫਾਜ਼ਿਲਕਾ, 30 ਨਵੰਬਰ, 2021 –
ਭਾਸ਼ਾ ਵਿਭਾਗ ਪੰਜਾਬ ਵੱਲੋਂ ਪੰਜਾਬੀ ਮਾਹ-2021 ਦੀ ਸਮਾਗਮਾਂ ਦੀ ਲੜੀ ਤਹਿਤ ਅਬੋਹਰ ਦੇ ਟੀਚਰਜ ਹੋਮ ਵਿਖੇ ਲੇਖਕ ਕਲਾਕਾਰ ਮਿਲਣੀ ਦਾ ਆਯੋਜਨ ਕੀਤਾ ਗਿਆ।ਇਸ ਸਮਾਗਮ ਵਿੱਚ ਪ੍ਰੋ: ਗੁਰਰਾਜ ਸਿੰਘ ਮੁਖ ਮਹਿਮਾਨ ਵੱਜੋ ਤੇ ਪ੍ਰਿੰਸੀਪਲ ਸ. ਸੁਖਦੇਵ ਸਿੰਘ ਵੱਲੋਂ ਪ੍ਰਧਾਨਗੀ ਕੀਤੀ ਗਈ, ਵਿਸ਼ੇਸ਼ ਮਹਿਮਾਨ `ਚ ਪ੍ਰੋ: ਚੰਦਰ ਅਦੀਬ ਅਤੇ ਵਿਕਾਸ ਬਤਰਾ ਨੇ ਸਿਰਕਤ ਕੀਤੀ।
ਪ੍ਰੋ: ਗੁਰਰਾਜ ਸਿੰਘ ਨੇ ਕਿਹਾ ਕਿ ਜ਼ਿਲ੍ਹਾ ਫਾਜ਼ਿਲਕਾ ਵਿਖੇ ਭਾਸ਼ਾ ਵਿਭਾਗ ਦਾ ਦਫਤਰ ਖੁਲੱਣ ਨਾਲ ਇਥੋ ਦੀ ਸਾਹਿਤਕ ਤੇ ਸਭਿਆਚਾਰਕ ਗਤੀਵਿਧੀਆਂ ਨੂੰ ਗਤੀ ਸਹੀ ਸੇਧ ਅਤੇ ਗਤੀ ਮਿਲੇਗੀ। ਪ੍ਰਿੰਸੀਪਲ ਸੁਖਦੇਵ ਸਿੰਘ ਨੇ ਕਿਹਾ ਕਿ ਪੰਜਾਬੀ ਬੋਲੀ ਲਈ ਇਸ ਇਲਾਕੇ ਵਿੱਚ ਵਿਸ਼ੇਸ਼ ਜ਼ਰੂਰਤ ਹੈ।
ਪ੍ਰੋ: ਚੰਦਰ ਅਦੀਬ ਨੇ ਕਿਹਾ ਕਿ ਭਾਸ਼ਾ ਵਿਭਾਗ ਫਾਜ਼ਿਲਕਾ ਵੱਲੋਂ ਪੁਸਤਕ ਪ੍ਰਦਰਸ਼ਨੀਆਂ ਦੀ ਵਿਸ਼ੇਸ਼ ਜ਼ਰੂਰਤ ਹੈ।ਰੰਗਮੰਚ ਨਿਰਦੇਸ਼ਕ ਵਿਕਾਸ ਬਤਰਾ ਨੇ ਕਿਹਾ ਕਿ ਭਾਸ਼ਾ ਵਿਭਾਗ ਦਾ ਦਫਤਰ ਸਥਾਪਿਤ ਹੋਣਾ ਇਸ ਇਲਾਕੇ ਲਈ ਸ਼ੁਭ ਸ਼ਗਨ ਹੈ ਤੇ ਇਸ ਲਾਲ ਸਾਹਿਤਕ, ਸਭਿਆਚਾਰਕ ਤੇ ਨਾਟਕੀ ਗਤੀਵਿਧੀਆਂ ਵਿੱਚ ਤੇਜੀ ਆਵੇਗੀ।
ਇਸ ਮੌਕੇ ਤੇ ਜ਼ਿਲ੍ਹੇ ਦੇ ਨਵ ਨਿਯੁਕਤ ਜ਼ਿਲ੍ਹਾ ਭਾਸ਼ਾ ਅਫਸਰ ਭੁਪਿੰਦਰ ਉਤਰੇਜਾ ਨੇ ਵਿਸਵਾਸ ਦਿਵਾਇਆ ਕਿ ਉਹ ਭਾਸ਼ਾ ਵਿਭਾਗ ਦੀਆਂ ਗਤੀਵਿਧੀਆਂ `ਚ ਤੇਜੀ ਲਿਆਉਣ ਤੇ ਸਾਹਿਤ ਸਭਿਆਚਾਰ ਲਈ ਪੂਰੀ ਤਨਦੇਹੀ ਨਾਲ ਕੰਮ ਕਰਨਗੇ। ਇਸ ਮੌਕੇ ਤੇ ਮੰਚ ਸੰਚਾਲਣ ਵਿਜੇਦਤ ਜੁਨੇਜਾ ਵੱਲੋਂ ਕੀਤਾ ਗਿਆ।
ਇਸ ਮੌਕੇ ਤੇ ਭੁਪਿੰਦਰ ਸਿੰਘ ਪ੍ਰਿੰਸੀਪਲ, ਸ੍ਰੀ ਰਾਕੇਸ਼ ਰਹੇਜਾ, ਦੀਪਕ ਕੰਬੋਜ਼ ਸ੍ਰੀ ਪ੍ਰੇਮ ਸਿਡਾਨਾ, ਗੁਰਤੇਜ਼ ਸਿੰਘ, ਗੁਰਜੰਟ ਬਰਾੜ, ਮਨਜੀਤ ,ਨਵਤੇਜ਼, ਅਮਿਤ ਬਤਰਾ, ਵਿਸ਼ਨੂੰ ਨਰਾਇਣ, ਹਨੀ ਉਤਰੇਜਾ, ਗੁਰਿੰਦਰ ਸਿੰਘ, ਕਸ਼ਮੀਰ ਲੂਣਾ ਆਦਿ ਲੇਖਕ ਕਲਾਕਾਰ ਸ਼ਾਮਿਲ ਹੋਏ ਸਨ।
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
