ਯੈੱਸ ਪੰਜਾਬ
ਗੁਰੂਗ੍ਰਾਮ, 30 ਨਵੰਬਰ, 2022:
ਕੌਮਾਂਤਰੀ ਪ੍ਰਸਿੱਧੀ ਵਾਲੇ ਬਾਲੀਵੁੱਡ ਗਾਇਕ ਹਰਿਆਣਾ ਦੇ ਗੁਰੂਗ੍ਰਾਮ ਵਿੱਚ ਸੋਹਨਾ ਵਿਖ਼ੇ ਦਮਦਮਾ ਝੀਲ ਨੇੜੇ ਡੇਢ ਏਕੜ ਜ਼ਮੀਨ ’ਤੇ ਬਣੇ ਫ਼ਾਰਮਹਾਊਸ ਸਣੇ 3 ਫ਼ਾਰਮਹਾਊਸ ‘ਸੀਲ’ ਕਰ ਦਿੱਤੇ ਗਏ ਹਨ।
ਇਹ ਕਾਰਵਾਈ ਲੰਘੇ ਦਿਨੀਂ ਹਰਿਆਣਾ ਦੇ ਡਿਪਾਰਟਮੈਂਟ ਆਫ਼ ਟਾਊਨ ਐਂਡ ਕੰਟਰੀ ਪਲੈਨਿੰਗ ਡਿਪਾਰਟਮੈਂਟ ਵੱਲੋਂ ਨੈਸ਼ਨਲ ਗਰੀਨ ਟਿÇ੍ਰਬਊਨਲ ਵੱਲੋਂ ਸੋਨੀਆ ਘੋਸ਼ ਬਨਾਮ ਹਰਿਆਣਾ ਸਰਕਾਰ ਕੇਸ ਵਿੱਚ ਸੁਣਾਏ ਫ਼ੈਸਲੇ ਦੇ ਆਧਾਰ ’ਤੇ ਕੀਤੇ ਗਈ।
ਕਾਰਵਾਈ ਲਈ ਜ਼ਿਲ੍ਹਾ ਟਾਊਨ ਪਲੈਨਰ ਅਮਿਤ ਮਧੋਲੀਆ ਦੀ ਅਗਵਾਈ ਹੇਠ ਟਾਊਨ ਪਲੈਨਿੰਗ ਵਿਭਾਗ ਦੀ ਟੀਮ ਵੱਲੋਂ ਡਿਊਟੀ ਮੈਜਿਸਟਰੇਟ ਲੱਛੀ ਰਾਮ, ਨਾਇਬ ਤਹਿਸੀਲਦਾਰ, ਸੋਹਾਣਾ ਦੀ ਹਾਜ਼ਰੀ ਵਿੱਚ ਕੀਤੀ ਗਈ। ਇਸ ਮੌਕੇ ਸੋਹਣਾ ਸਦਰ ਪੁਲਿਸ ਸਟੇਸ਼ਨ ਤੋਂ ਪੁਲਿਸ ਟੀਮ ਵੀ ਮੌਕੇ ’ਤੇ ਹਾਜ਼ਰ ਸੀ।
ਜ਼ਿਲ੍ਹਾ ਟਾਊਨ ਪਲੈਨਰ ਅਮਿਤ ਮਧੋਲੀਆ ਅਨੁਸਾਰ ਇਹ ਤਿੰਨੇ ਫ਼ਾਰਮ ਹਾਊਸ ਅਣਅਧਿਕਾਰਤ ਤੌਰ ’ਤੇ ਬਣੇ ਸਨ ਅਤੇ ਅਰਾਵਲੀ ਇਲਾਕੇ ਵਿੱਚ ਬਣੇ ਇਨ੍ਹਾਂ ਫ਼ਾਰਮਹਾਊਸਾਂ ਨੂੰ ਝੀਲ ਦੇ ‘ਰੈਜ਼ਰਵਾਇਰ ਏਰੀਆ’ ਵਿੱਚ ਬਣਾਉਣ ਲਈ ਕੋਈ ਅਗਾਊਂ ਪ੍ਰਵਾਨਗੀ ਨਹੀਂ ਲਈ ਗਈ ਸੀ।
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
