ਕੋਟਕਪੂਰਾ, 30 ਨਵੰਬਰ, 2021 ( ਦੀਪਕ ਗਰਗ )
ਅੱਜ ਪੰਜਾਬ ਦੇ ਟ੍ਰਾੰਸਪੋਰਟ ਮੰਤਰੀ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਨੇ ਕੋਟਕਪੂਰਾ ਵਿਖੇ ਮੁਖਮੰਤਰੀ ਚੰਨੀ ਦੀ ਰੈਲੀ ਦੌਰਾਨ ਦੋ ਗੱਲਾਂ ਵਿੱਚ ਸਟੇਜ ਤੋਂ ਹੀ ਪੱਤਰਕਾਰਾਂ ਦੇ ਮਨ ਵਿਚ ਉਮੜ ਰਹੇ ਸਵਾਲਾਂ ਦੇ ਜਵਾਬ ਦੇ ਦਿੱਤੇ।
ਉਨ੍ਹਾਂ ਕਿਹਾ ਕਿ ਜੇਕਰ 2022 ਚੋਣਾਂ ਤੋਂ ਬਾਅਦ ਪੰਜਾਬ ਵਿੱਚ ਕਾਂਗਰਸ ਦੀ ਸਰਕਾਰ ਬਣੀ ਅਤੇ ਮੈਂ ਬਤੌਰ ਟ੍ਰਾੰਸਪੋਰਟ ਮੰਤਰੀ ਰਿਪਿਟ ਹੋਇਆ ਤਾਂ ਪੂਰੇ ਪੰਜਾਬ ਵਿੱਚ ਸਾਰੀਆਂ ਬਸਾਂ ਹੀ ਸਰਕਾਰੀ ਚੱਲਣਗੀਆਂ।
ਨਾਲ ਹੀ ਉਨ੍ਹਾਂ ਨੇ ਮਾਰਕਫੈਡ ਦੇ ਚੇਅਰਮੈਂਨ ਕਿੱਕੀ ਢਿੱਲੋਂ ਨੂੰ ਛੋਟਾ ਟ੍ਰਾਂਸਪੋਟਰ ਦੱਸਦੇ ਹੋਏ ਕਿਹਾ ਕਿ ਮੈਂ ਅਪਣੇ ਇਸ ਭਰਾ ਦੀਆਂ ਬਸਾਂ ਵੀ ਭਰੱਪੇ ਵਿੱਚ ਸਰੈਂਡਰ ਕਰਵਾ ਲਉਂਗਾ।
ਉਨ੍ਹਾਂ ਕਿਹਾ ਕਿ ਕੋਟਕਪੂਰਾ ਤੋਂ ਸਿਰਫ ਇਕ ਉਮੀਦਵਾਰ ਨੂੰ ਹੀ ਟਿਕਟ ਮਿਲਣੀ ਹੈ। ਜਿਸ ਵਿੱਚ ਸੀਟ ਜਿੱਤਣ ਦੀ ਸਮਰੱਥਾ ਹੋਵੇਗੀ। ਉਨ੍ਹਾਂ ਸਾਰੇ ਕਾਂਗਰਸੀ ਕਾਰਕਰਤਾਵਾਂ ਨੂੰ ਬੇਨਤੀ ਕੀਤੀ ਕਿ ਤੁਸੀੰ ਸਿਰਫ ਪੰਜੇ ਨੂੰ ਹੀ ਵੋਟਾਂ ਪਾਉਣੀਆਂ ਹਨ ਉਮੀਦਵਾਰ ਚਾਹੇ ਕੋਈ ਵੀ ਹੋਵੇ।
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
