11 injured, 2 critical in Florida shootout
ਯੈੱਸ ਪੰਜਾਬ
ਸੈਕਰਾਮੈਂਟੋ, 2 ਫ਼ਰਵਰੀ, 2023 (ਹੁਸਨ ਲੜੋਆ ਬੰਗਾ)
ਲੇਕਲੈਂਡ, ਫਲੋਰਿਡਾ ਵਿਚ ਅਣਪਛਾਤੇ ਵਿਅਕਤੀਆਂ ਵੱਲੋਂ ਕੀਤੀ ਗਈ ਗੋਲੀਬਾਰੀ ਵਿਚ 11 ਵਿਅਕਤੀ ਜ਼ਖਮੀ ਹੋਣ ਦੀ ਰਿਪੋਰਟ ਹੈ ਜਿਨਾਂ ਵਿਚੋਂ 2 ਦੀ ਹਾਲਤ ਗੰਭੀਰ ਹੈ। ਗੰਭੀਰ ਵਿਅਕਤੀਆਂ ਵਿਚੋਂ ਇਕ ਦੇ ਮੂੰਹ ਉਪਰ ਗੋਲੀ ਵਜੀ ਹੈ ਜਦ ਕਿ ਦੂਸਰੇ ਦੇ ਢਿੱਡ ਵਿਚ ਗੋਲੀ ਵਜੀ ਹੈ। ਲੇਕਲੈਂਡ ਪੁਲਿਸ ਨੇ ਕਿਹਾ ਹੈ ਕਿ ਇਹ ਗਿਣਮਿਥ ਕੇ ਕੀਤਾ ਗਿਆ ਹਮਲਾ ਹੈ ਤੇ ਅਚਨਚੇਤ ਵਾਪਰੀ ਘਟਨਾ ਨਹੀਂ ਹੈ ।
ਪੁਲਿਸ ਮੁਖੀ ਸੈਮ ਟੇਲਰ ਨੇ ਜਾਰੀ ਇਕ ਬਿਆਨ ਵਿਚ ਕਿਹਾ ਹੈ ਕਿ ਬਾਕੀ ਜ਼ਖਮੀ 9 ਜਣਿਆਂ ਨਾਲ ਪੁਲਿਸ ਨੇ ਗੱਲ ਕੀਤੀ ਹੈ ਜਿਨਾਂ ਦੇ ਬਚ ਜਾਣ ਦੀ ਸੰਭਾਵਨਾ ਹੈ। ਪੁਲਿਸ ਨੇ ਨੀਲੇ ਰੰਗ ਦੀ ਕਾਰ ਬਰਾਮਦ ਕੀਤੀ ਹੈ ਤੇ ਪੁਲਿਸ ਦਾ ਵਿਸ਼ਵਾਸ਼ ਹੈ ਕਿ ਇਹ ਕਾਰ ਹੀ ਘਟਨਾ ਵਿਚ ਵਰਤੀ ਗਈ ਹੈ।
ਕਾਰ ਵਿਚੋਂ ਪੁਲਿਸ ਨੇ ਅਗਨ ਸ਼ਸ਼ਤਰ ਵੀ ਬਰਾਮਦ ਕੀਤੇ ਹਨ। ਸਮਝਿਆ ਜਾਂਦਾ ਹੈ ਇਹ ਹਥਿਆਰ ਹੀ ਲੇਕਲੈਂਡ ਗੋਲੀਬਾਰੀ ਵਿਚ ਵਰਤੇ ਗਏ ਹਨ। ਸੈਮ ਟੇਲਰ ਅਨੁਸਾਰ ਕਾਰ ਵਿਚ 4 ਵਿਅਕਤੀ ਸਵਾਰ ਸਨ ਜਿਨਾਂ ਵਿਚੋਂ 2 ਨੇ ਕਾਰ ਵਿਚੋਂ ਬਾਹਰ ਨਿਕਲੇ ਕੇ ਗੋਲੀਆਂ ਚਲਾਈਆਂ ਤੇ ਫਰਾਰ ਹੋ ਗਏ।
ਉਨਾਂ ਕਿਹਾ ਕਿ ਅਜੇ ਤੱਕ ਕੋਈ ਗ੍ਰਿਫਤਾਰੀ ਨਹੀਂ ਹੋਈ ਪਰੰਤੂ ਪੁਲਿਸ ਨੇ ਇਕ ਹਮਲਾਵਰ ਦੀ ਪਛਾਣ ਕਰ ਲਈ ਜਿਸ ਨੂੰ ਛੇਤੀ ਫੜ ਲਿਆ ਜਾਵਗਾ। ਪੁਲਿਸ ਨੇ ਆਮ ਲੋਕਾਂ ਤੋਂ ਸਹਾਇਤਾ ਦੀ ਮੰਗ ਕਰਦਿਆਂ ਕਿਹਾ ਹੈ ਕਿ ਜੋ ਵੀ ਕੋਈ ਹਮਲਾਵਰਾਂ ਬਾਰੇ ਸੂਹ ਦੇਵੇਗਾ ਉਸ ਨੂੰ 5000 ਡਾਲਰ ਇਨਾਮ ਵਜੋਂ ਦਿੱਤੇ ਜਾਣਗੇ।
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
