- Advertisement -
ਅੱਜ-ਨਾਮਾ
ਸਰਕਾਰ ਤੁਰੀ ਹੈ ਰੋਕਣ ਨੂੰ ਗੰਨ ਕਲਚਰ,
ਸੁਣਿਆ ਲਸੰਸਾਂ ਦੀ ਹੋਊ ਪੜਤਾਲ ਭਾਈ।
ਲਸੰਸੀ ਬੰਦੇ ਨੂੰ ਸਾਂਭਣ ਦੀ ਅਕਲ ਕਿ ਨਾ,
ਇਹੋ ਜਿਹਾ ਹੋਊ ਸਭ ਕੋਲ ਸਵਾਲ ਭਾਈ।
ਹੋ ਜਾਊ ਉਹਦਾ ਲਸੰਸ ਵੀ ਰੱਦ ਸੁਣਿਆ,
ਜਿਹੜਾ ਸਕਦਾ ਨਹੀਂ ਗੰਨ ਸੰਭਾਲ ਭਾਈ।
ਜਾਂ ਫਿਰ ਕਿਸੇ ਦੇ ਗਿਆ ਵਿਆਹ ਜਿਹੜਾ,
ਚੁੱਕ ਕੇ ਲੈ ਗਿਆ ਗੰਨ ਫਿਰ ਨਾਲ ਭਾਈ।
ਲੱਗ ਪਏ ਹੋਣ ਲਸੰਸ ਜਦ ਰੱਦ ਸੁਣਿਆ,
ਕਰਿਆ ਕਈਆਂ ਨੇ ਸੁਣੀਂਦਾ ਰੋਸ ਭਾਈ।
ਲੈਂਦਾ ਜਾਨਾਂ ਮਨੁੱਖੀ ਪਿਆ ਗੰਨ ਕਲਚਰ,
ਲੱਗੇ ਰੋਕਣ ਤਾਂ ਕਾਹਦਾ ਅਫਸੋਸ ਭਾਈ।
-ਤੀਸ ਮਾਰ ਖਾਂ
ਨਵੰਬਰ 24, 2022
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
- Advertisement -