- Advertisement -
ਅੱਜ-ਨਾਮਾ
ਰਾਜ ਸਭਾ ਦੀ ਚੋਣ ਆ ਜੜ੍ਹੀਂ ਬਹਿ ਗਈ,
ਕਾਂਗਰਸ ਪਾਰਟੀ ਨਾਲ ਬੁਰੀ ਹੋਈ ਬੇਲੀ।
ਭਾਜਪਾ ਨਾਲ ਭੁਗਤੇ ਲੀਡਰ ਕਾਂਗਰਸੀਏ,
ਜਿੱਤ ਰਹੀ ਪਾਰਟੀ ਆਖਰ ਡੁਬੋਈ ਬੇਲੀ।
ਖੇਡੀ ਖੇਡ ਕੁਝ ਕੇਂਦਰ ਤੋਂ ਭਾਜਪਾਈਆਂ,
ਹੁੰਦਾ ਹੇਠ ਉਹੀ, ਚਾਹੁਣ ਜੋ ਸੋਈ ਬੇਲੀ।
ਦਲਬਦਲੀ ਦੇ ਜਿੱਦਾਂ ਪਏ ਸ਼ੇਅਰ ਚੜ੍ਹਦੇ,
ਸ਼ਰਮ ਦੀ ਜਾਪਦੀ ਲੱਥੀ ਆ ਲੋਈ ਬੇਲੀ।
ਕਰਦਾ ਸੁਣਿਆ ਵਿਕਾਸ ਆ ਲੋਕਤੰਤਰ,
ਦੁਨੀਆ ਵਿੰਹਦੀ ਤੇ ਹੁੰਦੀ ਹੈਰਾਨ ਬੇਲੀ।
ਸੋਚਦੀ ਚੱਲਦਾ ਦੇਸ਼ ਇਹ ਪਿਆ ਕਿੱਦਾਂ,
ਸੌਂਦੇ ਈ ਭੁੱਖੇ ਤੇ ਉੱਤੇ ਅਸਮਾਨ ਬੇਲੀ।
-ਤੀਸ ਮਾਰ ਖਾਂ
ਫਰਵਰੀ 29, 2024
- Advertisement -
