ਯੈੱਸ ਪੰਜਾਬ
ਅੰਮ੍ਰਿਤਸਰ, 30 ਜੂਨ, 2022:
ਭਾਰਤੀਯ ਪੋਸਟਲ ਇੰਪਲਾਈਜ਼ ਫੈਡਰੇਸ਼ਨ ( ਸੈਂਟਰਲ ਹੈਡ ਕੁਆਟਰ, ਦਿੱਲੀ , ਸੰਬਧਤ ਭਾਰਤੀਯ ਮਜ਼ਦੂਰ ਸੰਘ) ਦੀ 13 ਵੀ ਫੈਡਰਲ ਕੌਂਸਲ 25 ਤੇ 26 ਜੂਨ ਨੂੰ ਬਾਬਾ ਸਾਹਿਬ ਭੀਮ ਰਾਓ ਅੰਬੇਦਕਰ ਯੂਨੀਵਰਸਿਟੀ, ਲਖਨਊ ਵਿੱਖੇ ਹੋਈ ।
ਇਸ ਵਿਸ਼ਾਲ ਫੈਡਰਲ ਕੌਂਸਲ ਵਿਚ ਸੈਕਟਰੀ ਪੋਸਟ ਭਾਰਤੀ ਡਾਕ ਵਿਭਾਗ ਸ਼੍ਰੀ ਵਿਨੀਤ ਪਾਂਡੇ ਜੀ ਦਿੱਲੀ ਤੋਂ ਮੁੱਖ ਮਹਿਮਾਨ ਸਨ ਅਤੇ ਉਨ੍ਹਾਂ ਵੱਲੋਂ ਅਪਣੇ ਸੰਬੋਧਨ ਵਿੱਚ ਭਾਰਤੀਯ ਯੂਨੀਅਨ ਤੇ ਭਾਰਤੀਯ ਫੈਡਰੇਸ਼ਨ ਨੂੰ ਇਸ ਵਿਸ਼ਾਲ ਕਾਨਫਰੰਸ ਲਈ ਸ਼ੁਭ ਕਾਮਨਾਵਾਂ ਤੇ ਵਧਾਈਆਂ ਦਿੱਤੀਆਂ।
ਇਸ ਫੈਡਰਲ ਕੌਂਸਲ ਵਿੱਚ ਪਿਛਲੇ 3 ਸਾਲਾਂ ਦੀਆਂ ਯੂਨੀਅਨ ਦੀਆਂ ਪ੍ਰਾਪਤੀਆਂ ਤੇ ਕੁਝ ਰਾਜਾਂ ਵਿੱਚ ਭਾਰਤੀਯ ਯੂਨੀਅਨ ਦੇ ਮੈਂਬਰਾ ਨੂੰ ਆ ਰਹੀਆਂ ਕਠਿਨਾਈਆਂ ਬਾਰੇ ਵਿਚਾਰ ਚਰਚਾ ਹੋਈ ।
2 ਦਿਨਾਂ ਤੱਕ ਚਲੀ ਇਸ ਫੈਡਰਲ ਕੌਂਸਲ ਵਿਚ ਪੂਰੇ ਭਾਰਤ ਵਿਚੋਂ ਹਰ ਰਾਜ ਦੇ ਭਾਰਤੀਯ ਯੂਨੀਅਨ ਦੇ ਮੈਂਬਰ / ਸਰਕਲ ਸੈਕਟਰੀ ਤੇ ਯੂਨੀਅਨ ਦੇ ਅਧਿਕਾਰੀ ਮੌਜੂਦ ਸਨ।
ਫੈਡਰਲ ਕੌਂਸਲ ਵਿੱਚ ਭਾਰਤੀਯ ਪੋਸਟਲ ਇੰਪਲਾਈਜ਼ ਫੈਡਰੇਸ਼ਨ ( ਸੈਂਟਰਲ ਹੈਡ ਕੁਆਟਰ ) ਦੇ ਅਗਲੇ ਤਿੰਨ ਸਾਲਾਂ ਲਈ ਨਵੇਂ ਅਹੁਦੇਦਾਰਾਂ ਦਾ ਚੁਣਾਵ ਕੀਤਾ ਗਿਆ।
ਸ਼੍ਰੀ ਅਨੰਤ ਪਾਲ ਕੋਲਕਾਤਾ ਤੋਂ ਨੂੰ ਸੈਕਟਰੀ ਜਰਨਲ, ਸ਼੍ਰੀ ਬਲਰਾਮ ਪਾਂਡੇ ਪਟਨਾ ਤੋਂ ਨੂੰ ਪ੍ਰਧਾਨ, ਸ਼੍ਰੀ ਗੁਰਪ੍ਰੀਤ ਸਿੰਘ ਭਾਟੀਆ ਫੋਕਲ ਪੁਆਇੰਟ ਪੋਸਟ ਆਫਿਸ ਅੰਮ੍ਰਿਤਸਰ ਨੂੰ ਵਾਈਸ ਪ੍ਰਧਾਨ, ਸ੍ਰੀ ਸੰਤੋਸ਼ ਕੁਮਾਰ ਸਿੰਘ ਲਖਨਊ ਨੂੰ ਸੰਗਠਿਤ ਮੰਤਰੀ ਤੇ ਹੋਰ ਵੀ ਮੈਂਬਰ ਸਾਹਿਬਾਨ ਦਾ ਚੁਣਾਵ ਕੀਤਾ ਗਿਆ।
ਇਸ ਮੌਕੇ ਤੇ ਨਵੀਂ ਬਣੀ ਕਮੇਟੀ ਦੇ ਮੈਂਬਰ ਤੇ ਉਹਦੇਦਾਰਾਂ ਨੇ 2024 ਤੱਕ ਭਾਰਤੀਯ ਯੂਨੀਅਨ ਨੂੰ ਡਾਕ ਵਿਭਾਗ ਦੀ ਪ੍ਰਮੁੱਖ ਯੂਨੀਅਨ ਬਣਾਉਣ ਦਾ ਐਲਾਨ ਕੀਤਾ ਗਿਆ ।
ਇਸ 13 ਵੀਂ ਵਿਸ਼ਾਲ ਫੈਡਰਲ ਕੌਂਸਲ ਨੂੰ ਸ਼੍ਰੀ M.P ਸਿੰਘ ਅਧਿਕਾਰੀ ਭਾਰਤੀਯ ਮਜ਼ਦੂਰ ਸੰਘ , ਸ਼੍ਰੀ ਸੰਤੋਸ਼ ਕੁਮਾਰ ਸਿੰਘ ਲਖਨਊ , ਸ਼੍ਰੀ ਪ੍ਰੇਮ ਚੰਦ ਦਿੱਲੀ ਦੀ ਦੇਖ ਰੇਖ ਹੇਠ ਬਹੁਤ ਸਫ਼ਲਤਾ ਪੂਰਵਕ ਕਰਵਾਇਆ ਗਿਆ ।
ਇਸ ਫੈਡਰਲ ਕੌਂਸਲ ਵਿੱਚ ਦੇਸ਼ ਭਰ ਤੋਂ ਪਹੁੰਚੇ ਭਾਰਤੀਯ ਯੂਨੀਅਨ ਦੇ ਲੀਡਰ ਤੇ ਮੈਂਬਰ ਸਾਹਿਬਾਨ ਵਿਚੋਂ ਪੰਜਾਬ ਵੱਲੋਂ ਮੁੱਖ ਤੌਰ ਤੇ ਸ੍ਰੀ ਮਨਜੀਤ ਸਿੰਘ ਵਾਇਸ ਪ੍ਰਧਾਨ , ਸ਼੍ਰੀ ਵਿਜੇ ਕੁਮਾਰ ਸਰਕਲ ਸੈਕਟਰੀ ਗਰੁੱਪ ਸੀ ਪੰਜਾਬ , ਸ਼੍ਰੀ ਕੁਲਦੀਪ ਸਿੰਘ ਉੱਪਲ, ਸ਼੍ਰੀ ਸੁਖਚੈਨ ਸਿੰਘ, ਸ਼੍ਰੀ ਨਰੇਸ਼ ਕੁਮਾਰ, ਸ਼੍ਰੀ ਗੁਰਮੀਤ ਸਿੰਘ ਸਰਕਲ ਸੈਕਟਰੀ ਜੀ-ਦੀ-ਸ, ਸ਼੍ਰੀ ਰਾਕੇਸ਼ ਕੁਮਾਰ, ਸ਼੍ਰੀ ਰਾਮ ਸਿੰਘ, ਸ਼੍ਰੀ ਗੁਰਮੀਤ ਸਿੰਘ ਅਸਿਸਟੈਂਸ ਜਨਰਲ ਸੈਕਟਰੀ , ਸ਼੍ਰੀ ਰਾਕੇਸ਼ ਕੁਮਾਰ ਸਿੰਘ , ਸ਼੍ਰੀ ਪਵਨ ਕੁਮਾਰ , ਸ਼੍ਰੀ ਸੁਖਦੇਵ ਮਹਿਤੋ ਤੇ ਹੋਰ ਵੀ ਬਹੁਤ ਸਾਰੇ ਮੈਂਬਰ ਤੇ ਉਹਦੇਦਾਰਾਂ ਨੇ ਵੱਧ ਚੜ੍ਹ ਕੇ ਹਿੱਸਾ ਲਿਆ ।
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
