ਬੇਅਦਬੀ ਕਾਂਡ ਦੀ ਫੇਰ ਹੈ ਜਾਂਚ ਸਰਕੀ, ਸਿਰਸੇ ਵੱਲ ਨੂੰ ਫੜੀ ਫਿਰ ਸੜਕ ਬੇਲੀ

ਅੱਜ-ਨਾਮਾ

ਬੇਅਦਬੀ ਕਾਂਡ ਦੀ ਫੇਰ ਹੈ ਜਾਂਚ ਸਰਕੀ,
ਸਿਰਸੇ ਵੱਲ ਨੂੰ ਫੜੀ ਫਿਰ ਸੜਕ ਬੇਲੀ।

ਜਾਂਚ-ਕਰਤਿਆਂ ਦੀ ਸੁਣਿਆ ਟੀਮ ਆਖੇ,
ਮਿਲ ਗਏ ਤੱਥ ਆ ਠੋਸ ਤੇ ਕੜਕ ਬੇਲੀ।

ਨਿਕਲੇ ਵਰਕਰ ਗੁਰਮੀਤ ਰਹੀਮ ਦੇ ਹੀ,
ਕਾਲਜੇ ਕਈਆਂ ਦੇ ਰਹੇ ਨੇ ਧੜਕ ਬੇਲੀ।

ਚੌਧਰੀ ਕੱਲ੍ਹ ਦੇ ਢਿੱਲੇ ਜਿਹੇ ਪਏ ਦਿੱਸਣ,
ਪਹਿਲਾਂ ਵਾਲੀ ਨਾ ਦਿੱਸਦੀ ਮੜ੍ਹਕ ਬੇਲੀ।

ਸੁਣਿਆ ਲੱਗਣਗੇ ਹਾਲੇ ਕੁਝ ਹੋਰ ਝਟਕੇ,
ਪੈਂਖੜ ਕਈਆਂ ਦਾ ਕੱਸਿਆ ਜਾਊ ਬੇਲੀ।

ਪਰਦੇ ਪਿੱਛੋਂ ਸਭ ਖੇਡ ਵਰਤਾਈ ਜੀਹਨੇ,
ਵਾਰੀ ਉਹਦੀ ਵੀ ਸੁਣੀ ਕਿ ਆਊ ਬੇਲੀ।

-ਤੀਸ ਮਾਰ ਖਾਂ
4 ਜੁਲਾਈ, 2020

ਪੰਜਾਬੀ ਅਤੇ ਅੰਗਰੇਜ਼ੀ ਖ਼ਬਰਾਂ ਲਈ ਹੁਣ ਸਾਡੇ ਅੱਡ ਅੱਡ ਫ਼ੇਸਬੁੱਕ ਪੇਜ ਹਨ – ਲਾਈਕ ਤੇ ਸ਼ੇਅਰ ਕਰੋ
ਪੰਜਾਬੀ ਫ਼ੇਸਬੁੱਕ ਪੇਜ – https://www.facebook.com/yespunjabpunjabi/
ਅੰਗਰੇਜ਼ੀ ਫ਼ੇਸਬੁੱਕ ਪੇਜ – https://www.facebook.com/yespunjab/