ਯੈੱਸ ਪੰਜਾਬ
ਚੰਡੀਗੜ੍ਹ, 15 ਅਪ੍ਰੈਲ, 2021:
ਪੰਜਾਬ ’ਚ ਕੋਰੋਨਾ ਬੇਲਗਾਮ ਹੋ ਕੇ ਨਵੀਂਆਂ ਸਿਖ਼ਰਾਂ ਛੋਹ ਰਿਹਾ ਹੈ। ਕੋਵਿਡ ਦੇ ਦੂਜੇ ਗੇੜ ਦੇ ਸ਼ੁਰੂ ਹੋਣ ਤੋਂ ਬਾਅਦ ਲਗਾਤਾਰ ਪਾਜ਼ਿਟਿਵ ਕੇਸਾਂ ਵਿੱਚ ਵਾਧੇ ਨੇ ਅੱਜ ਇਕ ਹੋਰ ਨਵਾਂ ਸਿਖ਼ਰ ਵੇਖ਼ਿਆ। ਰਾਜ ਅੰਦਰ ਅੱਜ 4333 ਨਵੇਂ ਪਾਜ਼ਿਟਿਵ ਕੇਸ ਆਏ ਜਦਕਿ 51 ਵਿਅਕਤੀਆਂ ਦੀ ਕੋਰੋਨਾ ਕਾਰਨ ਮੌਤ ਹੋ ਗਈ।
ਰਾਜ ਵਿੱਚ ਐਕਟਿਵ ਕੇਸਾਂ ਦੀ ਗਿਣਤੀ ਅੱਜ 30 ਹਜ਼ਾਰ ਦਾ ਅੰਕੜਾ ਟੱਪ ਗਈ। ਅੱਜ ਦੀ ਰਿਪੋਰਟ ਅਨੁਸਾਰ 30 ਹਜ਼ਾਰ 33 ਐਕਟਿਵ ਕੇਸ ਹਨ। ਹੁਣ ਤਕ 7722 ਵਿਅਕਤੀ ਰਾਜ ਅੰਦਰ ਕੋਰੋਨਾ ਦੀ ਭੇਟ ਚੜ੍ਹ ਚੁੱਕੇ ਹਨ।
ਹਾਲਾਤ ਇਹ ਹਨ ਕਿ ਸੂਬੇ ਵਿੱਚ 374 ਵਿਅਕਤੀ ਅਜੇ ਵੀ ਆਕਸੀਜਨ ’ਤੇ ਹਨ ਜਦਕਿ 40 ਵਿਅਕਤੀ ਗੰਭੀਰ ਹੋਣ ਕਾਰਨ ਵੈਂਟੀਲੇਟਰ ਸਪੋਰਟ ’ਤੇ ਹਨ।
ਰਾਜ ਅੰਦਰ ਅੱਜ ਅੰਮ੍ਰਿਤਸਰ ਵਿੱਚ 10 ਮੌਤਾਂ ਹੋਈਆਂ ਜਦਕਿ ਹੁਸ਼ਿਆਰਪੁਰ ਵਿੱਚ 9 ਵਿਅਕਤੀ ਦਮ ਤੋੜ ਗਏ। ਲੁਧਿਆਣਾ ਅਤੇ ਗੁਰਦਾਸਪੁਰ ਵਿੱਚ ਛੇ ਛੇ ਵਿਅਕਤੀਆਂ ਦੀ ਜਾਨ ਗਈ ਜਦਕਿ ਪਟਿਆਲਾ ਵਿੱਚ ਵੀ 5 ਲੋਕ ਕੋਰੋਨਾ ਦਾ ਸ਼ਿਕਾਰ ਹੋ ਗਏ।
ਜਲੰਧਰ, ਬਠਿੰਡਾ, ਫ਼ਤਹਿਗੜ੍ਹ ਸਾਹਿਬ ਅਤੇ ਫ਼ਿਰੋਜ਼ਪੁਰ ਵਿੱਚ ਦੋ ਦੋ ਮੌਤਾਂ ਹੋਈਆਂ ਜਦਕਿ ਫ਼ਰੀਦਕੋਟ, ਮੋਹਾਲੀ, ਮੁਕਤਸਰ, ਪਠਾਨਕੋਟ ਅਤੇ ਫ਼ਾਜ਼ਿਲਕਾ ਵਿੱਚ ਵੀ ਇਕ ਇਕ ਵਿਅਕਤੀ ਨੇ ਦਮ ਤੋੜ ਦਿੱਤਾ।
ਰਾਜ ਵਿੱਚ ਅੱਜ ਆਏ ਰਿਕਾਰਡ 4333 ਕੇਸਾਂ ਵਿੱਚੋਂ ਸਭ ਤੋਂ ਵੱਧ 860 ਕੇਸ ਮੋਹਾਲੀ ਵਿੱਚ ਆਏ ਹਨ। ਲੁਧਿਆਣਾ ਵਿੱਚ 482, ਜਲੰਧਰ ’ਚ 399, ਅੰਮ੍ਰਿਤਸਰ ਵਿੱਚ 365, ਪਟਿਆਲਾ ਵਿੱਚ 353 ਅਤੇ ਬਠਿੰਡਾ ਵਿੱਚ 301 ਵਿਅਕਤੀ ਪਾਜ਼ਿਟਿਵ ਪਾਏ ਗਏ ਹਨ।
ਹੋਰ ਵੇਰਵੇ ਵੇਖ਼ਣ ਲਈ ਇੱਥੇ ਕਲਿੱਕ ਕਰੋ:
