- Advertisement -
ਅੱਜ-ਨਾਮਾ
ਪ੍ਰਦਰਸ਼ਨ ਕਰਦੇ ਕਿਸਾਨ ਆ ਬੜਾ ਏਧਰ,
ਪ੍ਰਦਰਸ਼ਨ ਯੂਰਪ ਦੇ ਕਰਨ ਕਿਸਾਨ ਬੇਲੀ।
ਬੈਲਜੀਅਮ, ਸਪੇਨ ਦੇ ਰੋਣ ਕਿਸਾਨ ਬੈਠੇ,
ਖੇਤੀ ਕਰਨਾ ਵੀ ਇੱਕ ਇਮਤਿਹਾਨ ਬੇਲੀ।
ਅਮਰੀਕਾ ਵੰਨੀਂ ਕਿਸਾਨ ਪਏ ਰੋਸ ਕਰਦੇ,
ਕਰਦੀ ਸਰਕਾਰ ਆ ਬਹੁਤ ਐਲਾਨ ਬੇਲੀ।
ਗਰਜੇ ਕਿਸਾਨ ਸਨ ਕੱਲ੍ਹ ਬਰਤਾਨੀਆ ਦੇ,
ਅੱਕਿਆਂ ਨੇ ਲਿਆ ਸੀ ਮੱਲ ਮੈਦਾਨ ਬੇਲੀ।
ਦਿੱਸਦਾ ਕੋਨਾ ਨਹੀਂ ਕੋਈ ਸੰਸਾਰ ਦੇ ਵਿੱਚ,
ਧੱਕਾ ਨਾ ਜਿੱਥੇ ਕਿਰਸਾਨ ਨਾਲ ਹੋਏ ਬੇਲੀ।
ਖਤਰੇ ਵਿੱਚ ਜਦ ਨਸਲ ਤੇ ਫਸਲ ਲੱਗਦੀ,
ਦੁਹੱਥੜਾਂ ਮਾਰ ਉਹ ਕਿੱਦਾਂ ਨਾ ਰੋਏ ਬੇਲੀ।
-ਤੀਸ ਮਾਰ ਖਾਂ
ਮਾਰਚ 2, 2024
- Advertisement -
