ਯੈੱਸ ਪੰਜਾਬ
ਪਟਿਆਲਾ, 24 ਜਨਵਰੀ, 2022:
ਸ਼ਕਤੀਪੀਠ ਵਜੋਂ ਜਾਣੇ ਜਾਂਦੇ ਪਟਿਆਲਾ ਦੇ ਪ੍ਰਸਿੱਧ ਕਾਲੀ ਮਾਤਾ ਮੰਦਿਰ ਵਿੱਚ ਸੋਮਵਾਰ ਦੁਪਹਿਰ ਬੇਅਦਬੀ ਦੀ ਕੋਸ਼ਿਸ਼ ਕੀਤੀ ਗਈ ਜਿਸਨੂੰ ਸੁਚੇਤ ਪੁਜਾਰੀ ਨੇ ਨਾਕਾਮ ਕਰ ਦਿੱਤਾ।
ਪਟਿਆਲਾ ਦੇ ਮਹਾਰਾਜ ਭੁਪਿੰਦਰ ਸਿੰਘ ਵੱਲੋਂ ਬਣਵਾਏ ਗਏ, ਬਾਰਾਦਰੀ ਗਾਰਡਨਜ਼ ਦੇ ਸਾਹਮਣੇ ਮਾਲ ਰੋਡ ’ਤੇ ਸਥਿਤ ਇਸ ਮੰਦਿਰ ਵਿੱਚ ਆਏ ਇਕ ਸ਼ਖਸ ਨੇ ਮੰਦਿਰ ਵਿੱਚ ਸਥਾਪਿਤ ਮੂਰਤੀ ਦੇ ਆਲੇ ਦੁਆਲੇ ਲੱਗੀ ਗਰਿੱਲ ਨੂੰ ਟੱਪ ਕੇ ਮੂਰਤੀ ਤਕ ਪਹੁੰਚ ਕੀਤੀ ਅਤੇ ਇਸ ਨੂੰ ਡੇਗਣ ਦੀ ਕੋਸ਼ਿਸ਼ ਕੀਤੀ। ਇਹ ਘਟਨਾ ਸੀ.ਸੀ.ਟੀ.ਵੀ.ਵਿੱਚ ਕੈਦ ਹੋ ਗਈ।
ਘਟਨਾ ਲਗਪਗ ਸਾਢੇ ਚਾਰ ਵਜੇ ਦੀ ਹੈ ਜਦ ਮੂਰਤੀ ਨੇੜੇ ਮੌਜੂਦ ਇਕ ਸੁਚੇਤ ਪੁਜਾਰੀ ਵੱਲੋਂ ਉਕਤ ਦੋਸ਼ੀ ਨੂੰ ਧੱਕਾ ਦੇ ਕੇ ਪਰ੍ਹੇ ਸੁੱਟਿਆ ਗਿਆ ਜਿਸ ਮਗਰੋਂ ਉਸਨੂੰ ਕਾਬੂ ਕਰਕੇ ਕੋ ਕੋਤਵਾਲੀ ਪੁਲਿਸ ਥਾਣੇ ਦੀ ਪੁਲਿਸ ਨੂੰ ਸੌਂਪ ਦਿੱਤਾ।
ਅਜੇ ਤਾਂਈਂ ਇਸ ਦੋਸ਼ੀ ਦੀ ਪਛਾਣ ਸਾਹਮਣੇ ਨਹੀਂ ਆਈ ਹੈ। ਦੋਸ਼ੀ ਨੇ ਆਪਣੇ ਸਿਰ ’ਤੇ ਟੋਪੀ ਪਾਈ ਹੋਈ ਸੀ ਅਤੇ ਉਸਦਾ ਮੂੰਹ ਢਕਿਆ ਹੋਇਆ ਸੀ।
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ