- Advertisement -
ਅੱਜ-ਨਾਮਾ
ਦਿੱਲੀ ਚੋਣਾਂ ਲਈ ਹਾਲੇ ਆ ਰਿੜ੍ਹੀ ਗੱਡੀ,
ਹਾਰ-ਜਿੱਤ ਦੀ ਬਹਿਸ ਪਈ ਚੱਲ ਬੇਲੀ।
ਕੁਝ ਤਾਂ ਮੋਦੀ-ਚਾਲੀਸਾ ਨੇ ਪੜ੍ਹਨ ਵਾਲੇ,
ਗਲੀ-ਗਲੀ ਖੜਕਾਉਂਦੇ ਈ ਟੱਲ ਬੇਲੀ।
ਕੇਜਰੀਵਾਲ ਦੀ ਤਰਫ ਵੀ ਘੱਟ ਨਹੀਓਂ,
ਪੱਕੇ ਭਗਤ ਕਈ ਉਹਦੇ ਵੀ ਵੱਲ ਬੇਲੀ।
ਪੱਕਾ ਬੱਝ ਗਿਆ ਜੀਹਦੇ ਵੀ ਨਾਲ ਕੋਈ,
ਕਰਦਾ ਓਸੇ ਦੀ ਰਹਿੰਦਾ ਈ ਗੱਲ ਬੇਲੀ।
ਪੁਰਾਣੀ ਸਾਰਿਆਂ ਤੋਂ ਜਿਹੜੀ ਪਾਰਟੀ ਆ,
ਉਸ ਦੀ ਗੱਡੀ ਨਾ ਰਹੀ ਹੈ ਖਿਸਕ ਬੇਲੀ।
ਟਿਕਟ ਮੰਗਣ ਵੀ ਬਹੁਤੇ ਨਾ ਜਾਣ ਆਗੂ,
ਡਰਦੇ ਲੀਡਰ ਆ ਲੈਣ ਤੋਂ ਰਿਸਕ ਬੇਲੀ।
-ਤੀਸ ਮਾਰ ਖਾਂ
13 ਜਨਵਰੀ, 2020
- Advertisement -
