- Advertisement -
ਅੱਜ-ਨਾਮਾ
ਚੱਲ ਪਈ ਬਾਤ ਅਕਾਲੀਆਂ-ਭਾਜਪਾ ਦੀ,
ਸਿਰੇ ਪਹੁੰਚਣ ਦੀ ਨਵੀਂ ਕਨਸੋਅ ਮੀਆਂ।
ਸੀਟ-ਕੋਟਾ ਵਧਾਇਆ ਜਾਊ ਭਾਜਪਾ ਦਾ,
ਅਕਾਲੀ ਘਟ ਜਾਣਗੇ ਤਿੰਨ ਜਾਂ ਦੋ ਮੀਆਂ।
ਓਧਰ ਕਾਂਗਰਸ ਤੇ ਆਪ ਦੀ ਗੱਲ ਚੱਲੀ,
ਉਂਜ ਹੈ ਚੱਲਦੀ ਪਈ ਬੜੀ ਸਲੋ ਮੀਆਂ।
ਕਦੀ ਦਿੱਸੇ ਕਿ ਤੇਜ਼ੀ ਨਾਲ ਰਿੜ੍ਹਨ ਵਾਲੀ,
ਮੁੜ-ਮੁੜ ਅਟਕ ਫਿਰ ਜਾਏ ਖੜੋ ਮੀਆਂ।
ਹੋਏ ਜਦ ਦੋਵੇਂ ਸਮਝੌਤੇ ਤਾਂ ਚੋਣ ਅਗਲੀ,
ਬਣ ਜਾਊ ਭੇੜ ਦੁਵੱਲਾ ਇੱਕ ਫੇਰ ਮੀਆਂ।
ਬਿੱਲੀ ਕੱਟ ਗਈ ਰਸਤਾ ਕੋਈ ਫੇਰ ਜਾਣੋ,
ਸੰਭਾਲੀ ਜਾਣੀ ਨਹੀਂ ਕੀਤੜੀ ਦੇਰ ਮੀਆਂ।
-ਤੀਸ ਮਾਰ ਖਾਂ
ਫਰਵਰੀ 10, 2024
- Advertisement -
