ਯੈੱਸ ਪੰਜਾਬ
ਅੰਮ੍ਰਿਤਸਰ, 15 ਅਪ੍ਰੈਲ, 2021 –
ਵਾਤਾਵਰਣ, ਜੰਗਲ ਤੇ ਵਾਤਾਵਰਣ ਬਦਲਾਅ ਮੰਤਰਾਲੇ, ਭਾਰਤ ਸਰਕਾਰ, ਨਵੀਂ ਦਿੱਲੀ ਵੱਲੋਂ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਦੇ ਫਾਰਮਾਸਿਉਟੀਕਲ ਸਾਇੰਸਜ਼ ਵਿਭਾਗ ਦੇ ਪ੍ਰੋਫੈਸਰ, ਡਾ. ਪ੍ਰੀਤ ਮੋਹਿੰਦਰ ਸਿੰਘ ਬੇਦੀ ਨੂੰ ਸਟੇਟ ਲੈਵਲ ਐਕਸਪਰਟ ਅਪਰਾਈਜ਼ਲ ਕਮੇਟੀ, ਪੰਜਾਬ ਦੇ ਮੈਂਬਰ ਨਿਯੁਕਤ ਕੀਤਾ ਗਿਆ ਹੈ। ਕੇਂਦਰੀ ਮੰਤਰੀ ਮੰਡਲ ਨੇ ਇਸ ਕਮੇਟੀ ਦੇ ਗਜ਼ਟ ਦਾ ਐਲਾਨ ਕਰ ਦਿੱਤਾ ਹੈ।
ਇਹ ਨਿਯੁਕਤੀ ਡਾ. ਬੇਦੀ ਵੱਲੋਂ ਫਾਰਮਾਸਿਊਟੀਕਲ ਅਤੇ ਦਵਾਈਆਂ ਦੀ ਖੋਜ ਵਿਚ ਪਾਏ ਵਡਮੁਲੇ ਯੋਗਦਾਨ ਸਦਕਾ ਕੀਤੀ ਗਈ ਹੈ। ਇਸ ਕਮੇਟੀ ਦਾ ਗਠਨ ਵਾਤਾਵਰਣ ਬਚਾਉ ਐਕਟ ਅਧੀਨ ਕੇਂਦਰ ਸਰਕਾਰ ਵੱਲੋਂ ਰਾਜ ਸਰਕਾਰ ਨਾਲ ਮਿਲ ਕੇ ਤਿੰਨ ਸਾਲਾਂ ਕੀਤਾ ਗਿਆ ਹੈ।
ਡਾ. ਬੇਦੀ ਦੀ ਚੋਣ ਰਾਜ ਦੇ ਵਾਤਾਵਰਣ ਵਿਭਾਗ ਦੇ ਜੁਆਂਇੰਟ ਡਾਇਰੈਕਟਰ ਦੇ ਨਾਲ ਕਮੇਟੀ ਦੇ ਮੈਂਬਰ ਸਕੱਤਰ ਵੀ ਹੋਣਗੇ।
ਲਗਪਗ 23 ਸਾਲਾਂ ਦਾ ਅਕਾਦਮਿਕ ਤਜ਼ਰਬਾ ਰੱਖਣ ਵਾਲੇ ਡਾ. ਬੇਦੀ ਨੇ ਗੁਰੂ ਨਾਨਕ ਦੇਵ ਯੂਨੀਵਰਸਿਟੀ ਦਾ ਫਾਰਮਾਸਿਊਟੀਕਲ ਸਾਂਇੰਸਜ਼ ਵਿਭਾਗ 1997 ਵਿਚ ਜੁਆਇਨ ਕੀਤਾ ਅਤੇ ਪੀ.ਐਚ.ਡੀ ਡਿਗਰੀ ਵੀ ਹਾਸਲ ਕਰਦੇ ਹੋਏ ਵੱਖ ਵੱਖ ਅਕਾਦਮਿਕ, ਪ੍ਰਸ਼ਾਸਨਿਕ ਅਹੁਦਿਆਂ ਉਪਰ ਕਾਰਜਸ਼ੀਲ ਰਹੇ।
ਉਨ੍ਹਾਂ ਨੂੰ ਵੱਖ ਵੱਖ ਰਾਸ਼ਟਰੀ ਅਤੇ ਅੰਤਰਰਾਸ਼ਟਰੀ ਸੰਸਥਾਵਾਂ ਤੋਂ ਵੀ ਮਾਣ ਹਾਸਲ ਕਰਦਿਆਂ 90 ਪ੍ਰਕਾਸ਼ਨਾਵਾਂ ਕਰਵਾਈਆਂ ਹਨ।
ਉਹ ਯੂਨੀਵਰਸਿਟੀ ਦੇ ਮੌਜੂਦਾ ਇੰਡਸਟਰੀ ਲਿੰਕੇਜ ਪ੍ਰੋਗਰਾਮ ਦੇ ਕੋਆਰਡੀਨੇਟਰ ਹੁੰਦੇ ਹੋਏ ਬਹੁਤ ਸਾਰੇ ਰਾਸ਼ਟਰੀ ਅੰਤਰਰਾਸ਼ਟਰੀ ਮਹੱਤਵਪੂਰਨ ਅਕਾਦਮਿਕ ਸਮਝੌਤੇ ਕਰਾਉਣ ਵਿਚ ਵਿਸ਼ੇਸ਼ ਭੂਮਿਕਾ ਨਿਭਾਅ ਰਹੇ ਹਨ।