- Advertisement -
ਅੱਜ-ਨਾਮਾ
ਗੁਆ ਕੇ ਗੱਦੀਆਂ ਗਏ ਸਨ ਲੋਕ ਜਿਹੜੇ,
ਨਵਿਆਂ ਭਾਜੜ ਹੈ ਉਨ੍ਹਾਂ ਨੂੰ ਪਾਈ ਬੇਲੀ।
ਚਰਚਾ ਪਹਿਲੇ ਨਹੀਂ ਕੇਸ ਦੀ ਪਈ ਠੰਢੀ,
ਚਰਚਾ ਨਵੀਂ ਕੋਈ ਜਾਂਦੀ ਚਲਾਈ ਬੇਲੀ।
ਬੰਗਲਾ, ਕੋਠੀ ਛੁਡਵਾਏ ਆ ਕਿਸੇ ਪਾਸੋਂ,
ਕਿਸੇ ਤੋਂ ਕਾਰ ਹੈ ਗਈ ਛੁਡਵਾਈ ਬੇਲੀ।
ਕਿਸੇ ਨੇ ਕੀਤੀ ਕੁਰੱਪਸ਼ਨ ਹੈ ਕਦੋਂ ਕਿੱਥੇ,
ਇਹੋ ਜਿਹੀ ਜਾਂਚ ਵੀ ਸ਼ੁਰੂ ਕਰਾਈ ਬੇਲੀ।
ਭਰਤੀ ਗਲਤ ਹੋਈ ਕਿੱਥੇ ਕਿਸ ਤਰ੍ਹਾਂ ਦੀ,
ਇਹਦੀ ਫਾਈਲ ਵੀ ਗਈ ਹੈ ਖੁੱਲ੍ਹ ਬੇਲੀ।
ਹੋਊਗੀ ਜਾਂਚ ਤਾਂ ਆਊ ਸਭ ਸੱਚ ਮੂਹਰੇ,
ਕਿਹੜਾ ਲਾ ਗਿਆ ਕਿੱਡਾ ਕੁ ਟੁੱਲ ਬੇਲੀ।
-ਤੀਸ ਮਾਰ ਖਾਂ
ਅਪ੍ਰੈਲ 29, 2022
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
- Advertisement -
