- Advertisement -
ਅੱਜ-ਨਾਮਾ
ਕਿਧਰੇ ਕੀਤੀ ਕੋਈ ਬੈਠਕ ਅਕਾਲੀਆਂ ਨੇ,
ਜਾਂਦਾ ਕਾਂਗਰਸ ਦਾ ਟੱਬਰ ਹੈ ਲੜੀ ਬੇਲੀ।
ਆਉਂਦਾ ਵਾਪਸ ਨਾ ਲੱਗਦਾ ਨਵਜੋਤ ਸਿੱਧੂ,
ਜੱਖਣਾ ਪੁੱਟੀ ਵੀ ਜਾਂਦਾ ਪਿਆ ਬੜੀ ਬੇਲੀ।
ਕਰਿਆ ਚੁੱਪ ਪ੍ਰਤਾਪ ਸਿੰਘ ਬਾਜਵਾ ਨਹੀਂ,
ਹਮਲਾ ਕਰਨ ਦੀ ਭਾਲੇ ਉਹ ਘੜੀ ਬੇਲੀ।
ਕੁਝ ਹਨ ਮੀਸਣੇ ਮੂੰਹੋਂ ਉਹ ਬੋਲਦੇ ਨਹੀਂ,
ਬਹੁਕਰ ਉਨ੍ਹਾਂ ਵੀ ਕੀਤੀ ਆ ਖੜੀ ਬੇਲੀ।
ਲੱਗਾ ਮੌਕਾ ਕੁਝ ਠੀਕ ਤੇ ਸਾਂਭ ਲਈਏ,
ਜਿੱਤੀਏ ਫੇਰ ਇਹ ਰਾਜ ਪੰਜਾਬ ਬੇਲੀ।
ਬੋਲਿਆ ਕੋਈ, ਕਿ ਪੁੱਛੇਗਾ ਜਦੋਂ ਕੋਈ,
ਦੇਣਾ ਬਰਗਾੜੀ ਦਾ ਪਊ ਜਵਾਬ ਬੇਲੀ।
-ਤੀਸ ਮਾਰ ਖਾਂ
ਮਈ 11, 2021
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
- Advertisement -