- Advertisement -
ਅੱਜ-ਨਾਮਾ
ਆਈ ਜਦ ਚੋਣ, ਕਿਸਾਨ ਸਰਗਰਮ ਹੋਏ,
ਹਰ ਇੱਕ ਰਾਹ ਦੇ ਉੱਪਰ ਨੇ ਖੜੇ ਮੀਆਂ।
ਵੋਟਾਂ ਮੰਗਦਾ ਜਿਹੜਾ ਵੀ ਨਜ਼ਰ ਆਉਂਦਾ,
ਪਿੰਡਾਂ ਵਿੱਚ ਕਰਦੇ ਸਵਾਲ ਨੇ ਬੜੇ ਮੀਆਂ।
ਇਹਦੇ ਬਾਰੇ ਵੀ ਨੀਤੀ ਨਾ ਇੱਕ ਦੀਂਹਦੀ,
ਬਣੇ ਪਏ ਬਹੁਤ ਕਿਸਾਨਾਂ ਦੇ ਧੜੇ ਮੀਆਂ।
ਲਿਖ ਕੇ ਸੜਕਾਂ ਦੇ ਉੱਪਰ ਵੀ ਲਾਏ ਫੱਟੇ,
ਨਗਰ ਏਸ ਕੋਈ ਆਗੂ ਨਹੀਂ ਵੜੇ ਮੀਆਂ।
ਵਕਤ ਚੋਣ ਦਾ, ਲੀਡਰ ਤਾਂ ਆਉਣਗੇ ਹੀ,
ਪਹੁੰਚ ਕਰਨ ਲਈ ਲੋਕਾਂ ਦੇ ਤੀਕ ਮੀਆਂ।
ਨਿੱਤ ਦਿਨ ਭੇੜ ਜੇ ਏਦਾਂ ਹੀ ਹੋਈ ਜਾਣਾ,
ਹੋਣਾ ਆਖਰ ਨੂੰ ਨਹੀਂ ਇਹ ਠੀਕ ਮੀਆਂ।
ਤੀਸ ਮਾਰ ਖਾਂ
ਅਪ੍ਰੈਲ 13, 2024
- Advertisement -