ਯੈੱਸ ਪੰਜਾਬ
ਅੰਮ੍ਰਿ੍ਰਤਸਰ, 29 ਅਕਤੂਬਰ, 2020:
ਸਿੱਖ ਇਤਿਹਾਸ ਵਿੱਚ ਵੱਡੀ ਅਹਿਮੀਅਤ ਰੱਖਦੇ ਦੋ ਪਾਵਨ ਤੀਰਥ ਸਥਾਨਾਂ ਸ੍ਰੀ ਅੰਮ੍ਰਿਤਸਰ ਸਾਹਿਬ ਅਤੇ ਨਾਂਦੇੜ ਸਾਹਿਬ ਵਿਚਾਲੇ ਰੁਕੀ ਹੋਈਆਂ ਉਡਾਣਾਂ ਮੁੜ ਸ਼ੁਰੂ ਹੋਣਗੀਆਂ।
ਦੋਹਾਂ ਪਵਿੱਤਰ ਨਗਰੀਆਂ ਵਿਚਾਲੇ ਇਹ ਹਵਾਈ ਸੇਵਾ 10 ਨਵੰਬਰ ਨੂੰ ਸ਼ੁਰੂ ਹੋਵੇਗੀ ਅਤੇ ਇਸ ਲਈ ਬੁਕਿੰਗ ਸ਼ੁਰੂ ਹੋ ਗਈ ਹੈ।
ਇਸ ਖ਼ਬਰ ਦੇ ਨਾਲ ਹੀ ਸਿੱਖ ਯਾਤਰੂਆਂ ਲਈ ਇਕ ਹੋਰ ਅਹਿਮ ਖ਼ਬਰ ਇਹ ਹੈ ਕਿ ਹੁਣ ਤਕ ਕੇਵਲ ਸਨਿਚਰਵਾਰ ਅਤੇ ਐਤਵਾਰ ਚੱਲਦੀਆਂ ਰਹੀਆਂ ਇਹ ਉਡਾਣਾਂ ਦੀ ਜਗ੍ਹਾ ਹੁਣ ਇਹ ਹਵਾਈ ਸੇਵਾ ਹਫ਼ਤੇ ਵਿੱਚ ਤਿੰਨ ਦਿਨ – ਮੰਗਲਵਾਰ, ਵੀਰਵਾਰ ਅਤੇ ਸਨਿਚਰਵਾਰ – ਚੱਲੇਗੀ।
ਇਸ ਬਦਲਾਅ ਦੇ ਚੱਲਦਿਆਂ ਸੰਗਤਾਂ ਹੁਣ ਤਖ਼ਤ ਸੱਚਖ਼ੰਡ ਸ੍ਰੀ ਹਜ਼ੂਰ ਸਾਹਿਬ ਅਤੇ ਨਾਂਦੇੜ ਸਥਿਤ ਹੋਰ ਇਤਿਹਾਸਕ ਗੁਰਦੁਆਰਿਆਂ ਤੋਂ ਇਲਾਵਾ ਗੁਰੂ ਨਾਨਕ ਦੇਵ ਜੀ ਦੀ ਚਰਨਛੋਹ ਪ੍ਰਾਪਤ ਬਿਦਰ ਸਥਿਤ ਗੁਰਦੁਆਰਾ ਨਾਨਕ ਝੀਰਾ ਦੇ ਦਰਸ਼ਨ ਵੀ ਕਰ ਸਕਣਗੀਆਂ ਜੋ ਕਿ ਪਹਿਲਾਂ ਸਨਿਚਰਵਾਰ ਅਤੇ ਐਤਵਾਰ ਦੀਆਂ ਉਡਾਣਾਂ ਸਮੇਂ ਸੰਭਵ ਨਹੀਂ ਸੀ।
Click here to Like us on Facebook