- Advertisement -
ਅੱਜ-ਨਾਮਾ
ਅਫਸਰ ਇੱਕ, ਪਰ ਗੱਡੀਆਂ ਤਿੰਨ ਚੱਲਣ,
ਪੰਜਾਬ ਸਰਕਾਰ ਦੇ ਅਜਬ ਨੇ ਰੰਗ ਮੀਆਂ।
ਕਰ`ਤੀ ਕਿਸੇ ਸ਼ਿਕਾਇਤ ਤਾਂ ਜਾਂਚ ਹੋ ਗਈ,
ਪੈ ਗਿਆ ਓਦੋਂ ਫਿਰ ਰੰਗ ਵਿਚ ਭੰਗ ਮੀਆਂ।
ਇੱਕੋ ਵਕਤ ਇਹ ਚੱਲਦੀਆਂ ਤਿੰਨ ਕਾਰਾਂ,
ਕਰਦੇ ਪੈਟਰੋਲ ਦੇ ਬਿੱਲ ਹਨ ਦੰਗ ਮੀਆਂ।
ਪਤਾ ਨਹੀਂ ਇਹੋ ਜਿਹੀ ਹੋਊਗੀ ਧਾੜ ਕਿੰਨੀ,
ਕਰਿਆ ਈ ਜਿਨ੍ਹਾਂ ਸਰਕਾਰ ਨੂੰ ਨੰਗ ਮੀਆਂ।
ਉਂਜ ਇਹ ਅਫਸਰ ਸਮਾਜ ਭਲਾਈ ਦਾ ਸੀ,
ਕਰੀ ਗਿਆ ਆਪਣਾ ਭਲਾ ਸੀ ਆਪ ਮੀਆਂ।
ਚੰਬੜੀ ਜੜ੍ਹੀਂ ਬੱਸ ਇਹੋ ਜਿਹੀ ਕਾਂਗਿਆਰੀ,
ਰਹਿੰਦੀ ਨਿੱਤ ਕਮਾਉਂਦੀ ਇਹ ਪਾਪ ਮੀਆਂ।
-ਤੀਸ ਮਾਰ ਖਾਂ
ਜੁਲਾਈ 03, 2022
ਯੈੱਸ ਪੰਜਾਬ ਦੀਆਂ ਅਹਿਮ ਖ਼ਬਰਾਂ ਦੇ ਅਪਡੇਟਸ ਲਈ ਇੱਥੇ ਕਲਿੱਕ ਕਰਕੇ ਸਾਡੇ ਟੈਲੀਗਰਾਮ ਚੈਨਲ ਨਾਲ ਜੁੜੋ
- Advertisement -
