ਅੱਜ-ਨਾਮਾ
ਹਿਊਸਟਨ ਵਿੱਚ ਸੀ ਕੜਕਿਆ ਕੱਲ੍ਹ ਮੋਦੀ,
ਦਬਕਾ ਦਿੱਤਾ ਉਸ ਪਾਕਿ ਲਈ ਛੱਡ ਬੇਲੀ।
ਨਾਲੇ ਈ ਕਥਾ ਵਿਕਾਸ ਦੀ ਕਰ ਗਿਆ ਸੀ,
ਦਿੱਤਾ ਏ ਝੰਡਾ ਅਸਮਾਨ ਵਿੱਚ ਗੱਡ ਬੇਲੀ।
ਜਿਹੜੇ ਰੰਗ ਵਿੱਚ ਲੱਗਾ ਸੀ ਰਿਹਾ ਬੋਲਣ,
ਧਿਰਾਂ ਕਈਆਂ ਦੇ ਸੇਕ ਗਿਆ ਹੱਡ ਬੇਲੀ|
ਨਾਲੇ ਟਰੰਪ ਲਈ ਗੇੜ ਗਿਆ ਚੋਣ ਚੱਕਾ,
ਵਿੰਹਦੇ ਲੋਕ ਰਹੇ ਅੱਖਾਂ ਕਈ ਅੱਡ ਬੇਲੀ।
ਅਬ ਕੀ ਬਾਰ ਤੇ ਮੋਦੀ ਸਰਕਾਰ ਵਾਂਗਰ,
ਟਰੰਪ ਸਰਕਾਰ ਦਾ ਛੇੜ`ਤਾ ਰਾਗ ਮੋਦੀ।
ਜਿਹੜੀ ਗੱਲ ਨਾ ਅਜੇ ਤੱਕ ਹੋਈ ਸੀਗੀ,
ਕੂਟਨੀਤੀ ਲਈ ਛੱਡ ਗਿਆ ਦਾਗ ਮੋਦੀ।
-ਤੀਸ ਮਾਰ ਖਾਂ
24 ਸਤੰਬਰ, 2019 –
ਇਸ ਨੂੰ ਵੀ ਪੜ੍ਹੋ:
ਚਿੱਠੀ ਲਿਖ਼ ਬਾਵੇ ਨੇ ਪਾਈ ਮਰਜਾਣੇ ਮਾਨ ਨੂੰ – ਐੱਚ.ਐੱਸ.ਬਾਵਾ