ਯੈੱਸ ਪੰਜਾਬ
ਚੰਡੀਗੜ, 15 ਦਸੰਬਰ, 2020 –
ਸ਼੍ਰੋਮਣੀ ਅਕਾਲੀ ਦਲ ( ਟਕਸਾਲੀ ) ਦੇ ਮੁੱਖ ਬੁਲਾਰੇ ਤੇ ਜਨਰੱਲ ਸਕੱਤਰ ਸ ਕਰਨੈਲ ਸਿੰਘ ਪੀਰ ਮਹੁੰਮਦ ਨੇ ਦੋਸ਼ ਲਾਇਆ ਕਿ ਪਰਿਵਾਰਵਾਦ ਦੀ ਲੋਕਤੰਤਰ ਚ ਕੋਈ ਥਾਂ ਨਹੀ ਪਰ ਅਫਸੋਸ ਨਾਲ ਕਹਿਣਾ ਪੈ ਰਿਹਾ ਹੈ ਕਿ ਪਰਿਵਾਰਵਾਦ ਦੀ ਜੜ ਕਮਜ਼ੋਰ ਹੋਣ ਦੀ ਥਾਂ ਹਰੀ ਹੋ ਰਹੀ ਹੈ ਜੋ ਜਮਹੂਰੀਅਤ ਲਈ ਸਭ ਤੋ ਖਤਰਨਾਕ ਹੈ ।
ਸ ਕਰਨੈਲ ਸਿੰਘ ਪੀਰ ਮਹੁੰਮਦ ਨੇ ਅਸਧਿੇ ਤੋਰ ਤੇ ਦੋਸ਼ ਲਾਇਆ ਕਿ ਅਸਲ ਵਿੱਚ ਪਰਿਵਾਰਵਾਦ ਦਾ ਭਾਵ, ਡਿਕਟੇਟਰਸ਼ਿਪ ਵਰਗਾ ਹੈ ਤੇ ਲੋਕਤੰਤਰੀ ਪ੍ਰਪੰਰਾਵਾਂ ਤੋ ਸੱਖਣੇ ਕੱਚ-ਘਰੱੜ ਲੋਕ ਪੈਸੇ ਦੇ ਜ਼ੋਰ ਨਾਲ ਨੇਤਾ ਬਣ ਰਹੇ ਹਨ , ਜੋ ਚੋਣ ਜਿੱਤਣ ਬਾਅਦ ਜਨਤਕ ਹਿੱਤਾਂ ਦੀ ਥਾਂ ਨਿੱਜ ਵਾਦ ਨੂੰ ਬੜਾਵਾ ਦੇ ਰਹੇ ਹਨ ।
ਉਨਾ ਮੁਤਾਬਕ ਵੰਸ਼ਵਾਦ ਵੱਧ ਰਿਹਾ ਹੈ ਤੇ ਲੋਕਰਾਜ ਦਿਨ-ਬਰ-ਦਿਨ ਖਤਮ ਹੋ ਰਿਹਾ ਹੈ ।
ਉਨਾ ਕਿਹਾ ਕਿ ਭਾਰਤਕ ਲੋਕਤੰਤਰੀ ਮੁਲਕ ਹੈ ਪਰ ਇਹ ਸਭ ਦਿਖਾਵੇ ਲਈ ਹੀ ਹੈ ਇਮਾਨਦਾਰ ਵਰਕਰਾਂ ਦੀ ਕਦਰ ਨਹੀ ਸਿਰਫ ਤੇ ਸਿਰਫ ਕਬਜ਼ੇ ਵਾਲੀ ਸੋਚ ਭਾਰੂ ਹੈ , ਜੋ ਦੇਸ਼ ਲਈ ਘਾਤਕ ਸਿੱਧ ਹੋ ਰਹੀ ਹੈ।
ਉਨਾ ਲੋਕਤੰਤਰੀ ਨੇਤਾਵਾਂ ਨੂੰ ਅਪੀਲ ਕੀਤੀ ਕਿ ਹੋਰਨਾਂ ਮਸਲਿਆਂ ਵਾਂਗ ਇਸ ਖਿਲਾਫ ਵੀ ਅਵਾਜ਼ ਬੁਲੰਦ ਕੀਤੀ ਜਾਵੇ ।