ਯੈੱਸ ਪੰਜਾਬ
ਚੰਡੀਗੜ 1 ਅਕਤੂਬਰ, 2022 –
ਅਕਾਲੀ ਦਲ 1920 ਦੇ ਪ੍ਰਧਾਨ ਰਵੀਇੰਦਰ ਸਿੰਘ ਸਾਬਕਾ ਸਪੀਕਰ ਵਿਧਾਨ ਸਭਾ ਨੇ ਪੰਥ ਨਿਘਾਰ ਲਈ ਬਾਦਲ ਪਰਵਾਰ ਤੇ ਤਿੱਖੇ ਹਮਲੇ ਕਰਦਿਆਂ ਕਿਹਾ ਕਿ ਪੰਥ ਦੇ ਨਿਘਾਰ ਲਈ ਪ੍ਰਕਾਸ਼ ਸਿੰਘ ਬਾਦਲ ਤੇ ਉਨਾਂ ਦਾ ਫਰਜ਼ੰਦ ਸੁਖਬੀਰ ਸਿੰਘ ਬਾਦਲ ਜ਼ੁੰਮੇਵਾਰ ਹੈ ਜਿਸ ਦੀਆਂ ਗਲਤ ਨੀਤੀਆਂ ਕਾਰਨ ਸਿੱਖ ਕੌਮ ਦਾ ਨਾ ਵਰਨਣ ਨਿਘਾਰ ਹੋ ਚੁੱਕਾ ਹੈ ਪਰ ਉਹ ਪਾਰਟੀ ਨੂੰ ਹੁਣ ਵੀ ਬਰਬਾਦੀ ਵੱਲ ਧੱਕ ਰਹੇ ਹਨ।
ਸਾਬਕਾ ਸਪੀਕਰ ਦੋਸ਼ ਲਾਇਆ ਕਿ ਸ੍ਰੀ ਗੁਰੁ ਗ੍ਰੰਥ ਸਾਹਿਬ ਜੀ ਦੀਆਂ ਬੇਅਦਬੀਆਂ ਹੋਈਆਂ ਪਰ ਇੰਂਨਾਂ ਦੋਸ਼ੀ ਬਚਾਉਣ ਲਈ ਮਹਾਨ ਸਿੱਖ ਸੰਸਥਾਂਵਾਂ ਨੂੰ ਨਿੱਜ਼ੀ ਸਿਆਸੀ ਹਿਤਾਂ ਲਈ ਵਰਤਿਆ ।ਤਖਤਾਂ ਦੇ ਜੱਥੇਦਾਰ ਪੰਥ ਚੋਂ ਛੇਕੇ ਸੌਦਾ-ਸਾਧ ਦੇ ਹੱਕ ਵਿਚ ਵਰਤੇ ਗਏ ਗਏ ।ਗੁਰੂ ਦੀ ਗੋਲਕ ਚੋਂ ਕਰੋੜ ਦੇ ਰੁਪਏ ਗਏ ਤਾਂ ਜੋ ਸਾਂਧ ਨੂੰ ਬਚਾਇਾਆ ਜਾ ਸਕੇ ।
ਰਵੀਇੰਦਰ ਸਿੰਘ ਨੇ ਪੰਥ ਨੂੰ ਸੁਚੇਤ ਕਰਦਿਆਂ ਕਿਹਾ ਕਿ ਪਹਿਲਾਂ ਬਾਦਲਾਂ ਨੂੰ ਸ਼੍ਰੋਮਣੀ ਅਕਾਲੀ ਦਲ ਚੋਂ ਲਾਹਿਆ ਜਾਵੇ ਫਿਰ ਕੌੰਮ ਨੂੰ ਨਵਾਂ ਪ੍ਰੋਗਰਾਮ ਦਿਤਾ ਜਾਵੇ।ਸ਼੍ਰੋਮਣੀ ਕਮੇਟੀ ਦੇ ਮੌਜ਼ੂਦਾ ਅਹੁਦੇਦਾਰ ਬਾਦਲਾਂ ਦੇ ਜੀ ਹਜ਼ੂਰੀਏ ਹਨ ਤੇ ਉਹ ਉਨਾਂ ਦੇ ਸਿਆਂਸੀ ਭਵਿਖ ਲਈ ਦਿਨ-ਰਾਤ ਕਰ ਰਹੇ ਹਨ।ਸਾਬਕਾ ਸਪੀਕਰ ਨੇ ਦੋਸ਼ ਲਾਇਆਂ ਕਿ ਸਿੱਖ-ਸੰਸਥਾਵਾਂ ਬੜੀਆਂ ਕੁਰਬਾਨੀਆਂ ਨਾਲ ਹੋਂਦ ਵਿਚ ਕੌਮ ਲਈ ਆਈਆਂ ਸਨ ਨਾ ਕਿ ਬਾਦਲਾਂ ਵਾਸਤੇ ਗਠਿਨ ਕੀਤੀਆਂ ਗਈਆਂ ਸਨ ।
ਸਿੱਖ ਕੌਮ ਸਰਬੱਤ ਦਾ ਭਲਾ ਮੰਗਦੀ ਹੈ ਪਰ ਬਾਦਲਾਂ ਪਾਰਟੀ ਨੂੰ ਨਿੱਜ਼ੀ ਹਿਤਾਂ ਲਈ ਵਰਤਿਆ ਤੇ ਹੁਣ ਉਹ ਬੜੀ ਵੱਡੀ ਸਿਆਸੀ ਚਾਲ ਹੇਠ ਹਰਿਆਣਾ ਕਮੇਟੀ ਦੇ ਮੱਸਲੇ ਤੇ ਮੋਰਚਾ ਲਾਉਣ ਲਈ ਸ਼੍ਰੋਮਣੀ ਕਮੇਟੀ ਨੂੰ ਵਰਤ ਰਹੀ ਹੈ।
ਉਨਾਂ ਸਪਸ਼ਟ ਕੀਤਾ ਕਿ ਉਹ ਸ਼੍ਰੋਮਣੀ ਕਮੇਟੀ ਨੂੰ ਕਮਜ਼ੋਰ ਕਰਨ ਦੇ ਹੱਕ ਵਿਚ ਨਹੀ ਪਰ ਕੀ ਹਰਿਆਂਣਾਂ ਦੇ ਸਿੱਖ ਗੁਰਧਾਮਾਂ ਦੀ ਸਾਂਭ ਸੰਭਾਲ ਨਹੀ ਕਰ ਸਕਦੇ ਜਿੰਨਾਂ ਨੂੰ ਬਾਦਲਾਂ ਦੇ ਇਸ਼ਾਰੇ ਤੇ ਅਣਗੌਲਿਆ ਗਿਆ ਤੇ ਉਥੋਂ ਦੇ ਵਪਾਰੀਆਂ ਨੂੰ ਤਰਜ਼ੀਹ ਦਿਤੀ ਗਈ ਜਿਸ ਤੋਂ ਹਰਿਆਣਵੀ ਸਿੱਖਾਂ ਨੂੰ ਵੱਖਰੀ ਕਮੇਟੀ ਬਣਾਉਣ ਲਈ ਮਜ਼ਬੂਰ ਹੋਣਾਂ ਪਿਆ।ਉਨਾਂ ਕੌਮ ਨੂੰ ਅਪੀਲ ਕੀਤੀ ਕਿ ਪਹਿਲਾਂ ਬਾਦਲ ਲਾਹੇ ਜਾਣ ਤੇ ਫਿਰ ਨਵਾਂ ਪ੍ਰੋਗਰਾਮ ਉਲੀਕਿਆ ਜਾਵੇ।
ਯੈੱਸ ਪੰਜਾਬ ਦੀਆਂ ਪੰਜਾਬੀ ਖ਼ਬਰਾਂ ਲਈ ਇੱਥੇ ਕਲਿੱਕ ਕਰਕੇ ਸਾਡਾ ਫ਼ੇਸਬੁੱਕ ਪੇਜ ਲਾਈਕ ਕਰੋ