- Advertisement -
ਇਮਤਿਹਾਨ ਵੇਖ ਨੇੜੇ ਜਿਵੇਂ ਕਰਨ ਬੱਚੇ,
ਓਦਾਂ ਕਰਦੀ ਆ ਕੇਂਦਰ ਸਰਕਾਰ ਬੇਲੀ।
ਕਰਦੀ ਬਿੱਲ ਇੱਕ ਪੇਸ਼ ਤੇ ਪਾਸ ਕਰਦੀ,
ਦੂਸਰੀ ਹੁੰਦੀ ਆ ਫਾਈਲ ਤਿਆਰ ਬੇਲੀ।
ਜ਼ਾਬਤਾ ਲੱਗਣ ਨੂੰ ਸਮਾਂ ਜਦ ਬੜਾ ਥੋੜ੍ਹਾ,
ਤਾਂ ਹੀ ਕਰੀ ਆਉਂਦੀ ਮਾਰੋ-ਮਾਰ ਬੇਲੀ।
ਕੀਤੇ ਕਾਰਜ ਦਾ ਹੱਦੋਂ ਵੱਧ ਤਾਣ ਲਾ ਕੇ,
ਕਰਦੀ ਆ ਰਾਤ ਜਾਂ ਦਿਨੇ ਪ੍ਰਚਾਰ ਬੇਲੀ।
ਜਿਨ੍ਹਾਂ ਨਾਲ ਲੱਗਣਾ ਅੰਤ ਨੂੰ ਚੋਣ-ਆਢਾ,
ਏਕਾ ਆਪਸ ਦਾ ਰੁੱਝੇ ਪਏ ਕਰਨ ਬੇਲੀ।
ਟੈਂਕੀ ਤੇਲ ਦੀ ਭਰਨ ਲਈ ਵਕਤ ਨਾਹੀਂ,
ਜਾਣਾ ਟਾਇਰਾਂ ਦੀ ਹਵਾ ਵੀ ਭਰਨ ਬੇਲੀ।
-ਤੀਸ ਮਾਰ ਖਾਂ
10 ਫਰਵਰੀ, 2024
- Advertisement -