- Advertisement -
ਅੱਜ-ਨਾਮਾ
ਲੋਕੀਂ ਲਾਉਂਦੇ ਅੰਦਾਜ਼ੇ ਕਈ ਚੋਣ ਅੰਦਰ,
ਉਸ ਨੇ ਜਿੱਤ ਜਾਣਾ, ਉਸ ਨੇ ਹਾਰਨਾ ਈ।
ਉਸ ਤੋਂ ਜਾਣੀ ਬਚਾਈ ਨਾ ਸੀਟ ਪਹਿਲੀ,
ਉਸ ਨੇ ਤੀਰ ਫਿਰ ਤੋਂ ਸਿੱਧਾ ਮਾਰਨਾ ਈ।
ਉਸ ਦੇ ਪੱਲੇ ਨਹੀਂ ਦੱਸਣ ਦੀ ਗੱਲ ਕੋਈ,
ਦਾਅਵਿਆਂ ਫੋਕਿਆਂ ਦੇ ਨਾਲ ਸਾਰਨਾ ਈ।
ਫਲਾਣਾ ਗੱਲਾਂ ਦਾ ਬੜਾ ਈ ਮਾਹਰ ਬੰਦਾ,
ਉਸ ਨੇ ਲਾਰਿਆਂ ਨਾਲ ਫਿਰ ਚਾਰਨਾ ਈ।
ਆਉਂਦਾ ਜਦੋਂ ਨਤੀਜਾ ਤਾਂ ਹੋਰ ਨਿਕਲੇ,
ਬਣ ਗਈ ਹੋਰ ਦੀ ਹੋਰ ਆ ਗੱਲ ਹੁੰਦੀ।
ਮੂਹਰੇ ਵਾਲਾ ਨਿਵਾਣਾਂ ਥੀਂ ਰਿੜ੍ਹੀ ਜਾਂਦਾ,
ਸਾਰੀ ਹਾਲਤ ਜਿਹੀ ਥੱਲ-ਪੁਥੱਲ ਹੁੰਦੀ।
-ਤੀਸ ਮਾਰ ਖਾਂ
11 ਨਵੰਬਰ, 2020
- Advertisement -