- Advertisement -
ਅੱਜ-ਨਾਮਾ
ਬਚ ਕੇ ਰਿਹੋ ਕਿਸਾਨਾਂ ਦੇ ਲੀਡਰੋ ਬਈ,
ਚੁਆਤੀ ਕੋਈ ਨਾ ਪਾਸਿਉਂ ਲਾਏ ਬੇਲੀ।
ਬੰਦਾ ਬਾਹਰ ਦਾ ਭੀੜ ਦੇ ਵਿੱਚ ਮਿਲ ਕੇ,
ਕਾਂਟੀ ਮਾਰ ਕੇ ਖਿਸਕ ਨਹੀਂ ਜਾਏ ਬੇਲੀ।
ਫਸੀ ਹੋਈ ਸਰਕਾਰ ਆ ਬੜੀ ਲੱਗਦੀ,
ਜੀਹਦੇ ਤੇਵਰ ਨਾ ਜਾਣ ਛਿਪਾਏ ਬੇਲੀ।
ਡਿੱਠਾ ਕੋਈ ਨਾ ਜਿਹੜਾ ਸਰਕਾਰ ਤੋੜੀਂ,
ਜਾ ਕੇ ਅਕਲ ਦੀ ਬਾਤ ਸਮਝਾਏ ਬੇਲੀ।
ਛੱਬੀ ਤੀਕਰ ਆ ਚਿੰਤਾ ਦਾ ਸਮਾਂ ਬੇਲੀ,
ਬੜੀ ਆ ਵੱਡੀ ਹਲੀਮੀ ਦੀ ਲੋੜ ਬੇਲੀ।
ਪਾਉਂਦਾ ਫਿਕਰ ਜਵਾਨਾਂ ਦਾ ਜੋਸ਼ ਵੱਡਾ,
ਜਾਵੇ ਸਬਰ ਦਾ ਕੰਢਾ ਨਹੀਂ ਤੋੜ ਬੇਲੀ।
-ਤੀਸ ਮਾਰ ਖਾਂ
25 ਜਨਵਰੀ, 2021
- Advertisement -